林穎彤處女作唱出初戀之痛

林穎彤（Bella）簽約星夢之後第一首歌《忽然又想起你》正式派台。林穎彤形象一向是鄰家女孩、開心活潑，因此公司為她挑選了一首充滿青春味道，關於初戀的情歌，讓樂迷感受到她的另一面，Bella表示：「好開心終於擁有自己嘅歌，同時亦都係一個挑戰，始終自己唱歌嘅經驗同技巧未夠，要響短短一首歌三分鐘嘅時間內，用歌聲去將故事當中嘅情感帶出，真係唔簡單！」

此外，早前Bella為處女作拍攝MV，導演以故事手法配上歌詞的情節畫面，令Bella很快投入故事中，Bella笑說：「導演拉了公司同事及化妝髮型師擔任『臨記』一齊拍攝開party嘅戲，大家一路食嘢一路傾偈，真係好似自己開party咁，最可惜係拉唔到導演埋位。」Bella還表示希望新歌能引起大家的共鳴，感受到那份淡然的痛，初戀未必好轟烈，但始終是青春成長階段的回憶。