【返老還童】祖兒自封「童顏巨」 阿Sa嫌額高剋夫

一眾英皇藝人搞笑社交平台「冤枉娛樂」，上載了他們潮玩返老還童App的照片，容祖兒用了日前為舉行的個唱記者會的露肩衫照片，故她搞鬼留言：「童顏巨」，讓古巨基成功切入：「童顏巨基嗎」；張敬軒亦不執輸，自封「我係童乳巨顏」。
Twins蔡卓妍（阿Sa）則嫌童顏照「個額頭會唔會高咗啲呀，聽講咁樣剋夫」；鍾欣潼（阿嬌）一樣不滿意個額頭「我個樣好似出咗啲問題，無咗半個頭」。許靖韻亦謂「個個額頭都好大」；周勵淇卻自覺「其實同現在都沒有好大分別啫」；童顏照很可愛的洪卓立竟然說「好想掌摑自己」。
另外，唐詩詠對自己的童顏謂「我認唔到我自己 #呢個就係我嘅童年照 #有乜理由下巴尖尖大左唔尖」；陳敏之以童顏跟薛家燕拍片，但說「我唔制呀！！點解人玩我玩 我個樣咁似雞泡魚嘅.. 🐡🐡🐡🐡🤣🤣🤣 #唔知點解冇咗後半段😌 #家燕媽媽一早玩左 #潮媽先至係佢」。張繼聰舉住啞鈴拍片笑謂「人玩我又玩😂 #童顏顏色」方力申留言「我好想講粗口」，但話之小方或網民說甚麼都沒用，老婆謝安琪一句「細個嗰陣時靚仔咁多嘅😂🙈」已足夠；囝囝張瞻都有留言「小朋友」，阿聰回兒子「look like u ? 😂」網民都話勁似。