問會否同男友拉埋天窗 李佳芯竟答:首要搵個啱嘅對象！

袁偉豪(Ben)和李佳芯(Ali)晚上出席婚宴場地活動，問到Ali有否可能雙喜臨門？Ben取笑Ali已當上視后，是時候當人妻了；豈料與男友陳炳銓感情穩定的Ali竟口快快指首要是搵到個啱的對象！問到是否現在的男友不是最佳人選？驚覺失言的她碌大雙眼、惶恐的頻呼：「唔係呀！唔係呀！唔係呀！嘩，我係咪講錯嘢？我意思係做男朋友好不代表做老公或爸爸都好，要行落去先知，不過如果現在的(男友)唔好、我們都唔會拍拖4年了，當然大家都希望有下一步，但都要看緣份。」

提到尚欠什麼？Ali直指是錢，Ben則代為解圍，認為是爭在「時辰」，因要兩個人都心理準備好由情侶轉為夫婦才可，因結婚始終是兩個人的事，作為男人婚後更要把全部時間投在都給家庭和小朋友身上；相信Ali跟自己一樣，現階段仍想在工作上拼博和衝刺。