亨利拆局│練馬師王吼伍鵬志

上期沈集成收歛攻勢，改為輪到伍鵬志發威，不過佢埋單只得28分，成績未算標青，順利封王只因對手差點運氣。其實賀賢與蘇偉賢同告起孖，廖康銘亦連場搏殺，本來三人都有機會衝擊練馬師王。不過話說回來，伍鵬志總算開齋兼起孖，搏殺勢頭良好，適逢今期出馬八匹，陣容似模似樣，最終能否封王要靠估，但我信佢會交出成績，練馬師王一於捧佢場，第三場前落注。

至於今次決定捧伍鵬志，很大程度是睇中「逐步贏」，佢上季三戰谷草都入位，場地性能不用懷疑，尤其744場次跑千八，蝕三四疊轉彎都衝入Q，按當晚偏差屬破格表現。

其餘「陽光寶貝」上季八戰全無睇頭，惟最近試閘見末段刻意打磨，衝刺反應亦佳，五歲馬也要心急交代；「同滿滿」前速唔夠對手快，但勝在排二檔，早段會有好際遇；「奮鬥心」及「添開心」都配潘頓，不禁令我諗起「嘉應喝彩」和「友瑩仁」，希望佢會有正常發揮。

目標：伍鵬志

賠率：5.0

全日惡馬  第六場：逐步贏  

練馬師王最佳投注時機：第三場前