亨利拆局│练马师王吼伍鹏志

上期沈集成收敛攻势，改为轮到伍鹏志发威，不过佢埋单只得28分，成绩未算标青，顺利封王只因对手差点运气。其实贺贤与苏伟贤同告起孖，廖康铭亦连场搏杀，本来三人都有机会冲击练马师王。不过话说回来，伍鹏志总算开斋兼起孖，搏杀势头良好，适逢今期出马八匹，阵容似模似样，最终能否封王要靠估，但我信佢会交出成绩，练马师王一于捧佢场，第三场前落注。

至于今次决定捧伍鹏志，很大程度是睇中「逐步赢」，佢上季三战谷草都入位，场地性能不用怀疑，尤其744场次跑千八，蚀三四叠转弯都冲入Q，按当晚偏差属破格表现。

其馀「阳光宝贝」上季八战全无睇头，惟最近试闸见末段刻意打磨，冲刺反应亦佳，五岁马也要心急交代；「同满满」前速唔够对手快，但胜在排二档，早段会有好际遇；「奋斗心」及「添开心」都配潘顿，不禁令我谂起「嘉应喝彩」和「友莹仁」，希望佢会有正常发挥。

目标：伍鹏志

赔率：5.0

全日恶马  第六场：逐步赢  

练马师王最佳投注时机：第三场前