卡爾心水│「十二神將」惡鬥「翹峯」

馬季一開鑼，生活步伐馬上急促起嚟，刨馬、跑馬佔據咗我生活不少時間，食飯變得更求其，尤其當打風，例牌去超市上掃糧餉，咩午餐肉呀、回鍋肉呀、五香肉丁全部準備妥當，尤其喺沙圈未上馬嗰短短十分鐘，一拉罐，煲個熱水，廿蚊雞賭神未出動碗麵已經上枱，騎師未上馬，五香肉丁已經就位，鋪上熱辣辣嘅辛拉麵。

據聞，卡爾以上所提及嘅罐頭都含一級致癌物，不過少食多滋味，又慳返時間，偶爾放任一次半次都唔算好過分。

有時，人就係咁犯賤，明知山有虎，偏向虎山行。明明有疑點，但呢鋪卡爾真係好鍾意「十二神將」。奇怪在，明明匹馬只有千六以上嘅賽績支持，明明頭場有四班千六亦唔報，蘇偉賢硬要報呢場四班千四，偶爾都要任性一下，小注怡情。

第三場：4河好運、10綠族威、7果然僥倖
第七場：4十二神將、2翹峯、6幸運震撼