卡尔心水│「十二神将」恶斗「翘峯」

马季一开锣，生活步伐马上急促起嚟，刨马、跑马占据咗我生活不少时间，食饭变得更求其，尤其当打风，例牌去超市上扫粮饷，咩午餐肉呀、回锅肉呀、五香肉丁全部准备妥当，尤其喺沙圈未上马嗰短短十分钟，一拉罐，煲个热水，廿蚊鸡赌神未出动碗面已经上枱，骑师未上马，五香肉丁已经就位，铺上热辣辣嘅辛拉面。

据闻，卡尔以上所提及嘅罐头都含一级致癌物，不过少食多滋味，又悭返时间，偶尔放任一次半次都唔算好过分。

有时，人就系咁犯贱，明知山有虎，偏向虎山行。明明有疑点，但呢铺卡尔真系好锺意「十二神将」。奇怪在，明明匹马只有千六以上嘅赛绩支持，明明头场有四班千六亦唔报，苏伟贤硬要报呢场四班千四，偶尔都要任性一下，小注怡情。

第三场：4河好运、10绿族威、7果然侥幸
第七场：4十二神将、2翘峯、6幸运震撼