卡爾心水│「喜蓮勇略」季初有計

餓咗馬成個半月，有鏡頭捕捉到不少入場馬迷都態度雀躍。卡爾身邊有朋友暑假期間持續刨馬，準備咗一張水蛇春咁長嘅跟進馬名單；無咁嗜賭嘅就去咗世界各地睇有關馬匹嘅活動，有人去呼和浩特睇「逍遙自在」，或到澳洲育馬基地參觀等。卡爾嘆為觀止之餘，亦感受到香港賽馬帶畀大家嗰種共同價值，而非昔日嗰種踢拖落街擔住口煙去窗口買十蚊飛，誓要中一千萬嗰種刀仔鋸大樹嘅豪情壯志。

季初假如想開齋收番十元八塊，「包裝猛將」合晒胃口，呢匹馬潛力深不見底，喺谷草橫行無忌。假如喜好挑戰難度，第七場局勢夠混亂，三班賽基本上係鬥進度，沈廄「喜蓮勇略」暑期工夫做足，八月尾課閘腳步爽朗，適逢季初，沈廄喜好以快打慢。

第三場    1    包裝猛將    3    樂家福    4    晨曦儷人
第七場    4    喜蓮勇略    11    我做到    3    開心勇駒