卡尔心水│「喜莲勇略」季初有计

饿咗马成个半月，有镜头捕捉到不少入场马迷都态度雀跃。卡尔身边有朋友暑假期间持续刨马，准备咗一张水蛇春咁长嘅跟进马名单；无咁嗜赌嘅就去咗世界各地睇有关马匹嘅活动，有人去呼和浩特睇「逍遥自在」，或到澳洲育马基地参观等。卡尔叹为观止之馀，亦感受到香港赛马带畀大家嗰种共同价值，而非昔日嗰种踢拖落街担住口烟去窗口买十蚊飞，誓要中一千万嗰种刀仔锯大树嘅豪情壮志。

季初假如想开斋收番十元八块，「包装猛将」合晒胃口，呢匹马潜力深不见底，喺谷草横行无忌。假如喜好挑战难度，第七场局势够混乱，三班赛基本上系斗进度，沈厩「喜莲勇略」暑期工夫做足，八月尾课闸脚步爽朗，适逢季初，沈厩喜好以快打慢。

第三场    1    包装猛将    3    乐家福    4    晨曦俪人
第七场    4    喜莲勇略    11    我做到    3    开心勇驹