卡爾心水│「輝煌精英」升班照攞彩

唞暑時候正好DSE放榜，喺呢個講科學講大數據嘅年代，原來仍有學生哥同當年卡爾放榜一樣，迷信攞份《星島》傍身，所謂「星島、升到」食個諧音。

去到依家開學，所有嘢都重新洗牌。馬季同樣開鑼，練馬師又雄心壯志預計聖誕前幾多Win，騎師又鎖定目標力爭坐騎，卡爾亦成功爭取欄位，每次在此推介一匹重點馬，其餘心水則僅供參考，睇吓今季有無機會幫馬迷贏錢，等大家食兩餸飯嘅時候加多個餸。

早前卡爾入場睇試閘嘉年華，當日「輝煌精英」試第一組閘，三幾個箭步就擺咗喺前邊，臨尾撳住過終點輕輕鬆鬆。趁暑假養到肥肥白白開開心心，估計佢一開季就會砌盡，理得你升上三班，呢鋪實擺前走㗎喇，放唔到就聽日A1頭條見啦，一注單Win希望攞番個頭彩！

第九場：1初戀、6智智多寶、5哈羅威
第十場：5輝煌精英、3競駿先鋒、華麗再勝