卡尔心水│「辉煌精英」升班照攞彩

唞暑时候正好DSE放榜，喺呢个讲科学讲大数据嘅年代，原来仍有学生哥同当年卡尔放榜一样，迷信攞份《星岛》傍身，所谓「星岛、升到」食个谐音。

去到依家开学，所有嘢都重新洗牌。马季同样开锣，练马师又雄心壮志预计圣诞前几多Win，骑师又锁定目标力争坐骑，卡尔亦成功争取栏位，每次在此推介一匹重点马，其馀心水则仅供参考，睇吓今季有无机会帮马迷赢钱，等大家食两餸饭嘅时候加多个餸。

早前卡尔入场睇试闸嘉年华，当日「辉煌精英」试第一组闸，三几个箭步就摆咗喺前边，临尾揿住过终点轻轻松松。趁暑假养到肥肥白白开开心心，估计佢一开季就会砌尽，理得你升上三班，呢铺实摆前走㗎喇，放唔到就听日A1头条见啦，一注单Win希望攞番个头彩！

第九场：1初恋、6智智多宝、5哈罗威
第十场：5辉煌精英、3竞骏先锋、华丽再胜