晨光追擊│「電氣騎士」目標明確

頭三季均贏四十場以上的韋達，上季成績有點退步只贏三十六場，今季成績亦未見太大進展，現時剛好贏三十六場，但要留意他在谷草取得二十三W之多，而且勝出率高達十個巴仙，可見他在細場搏殺甚有把握。

第二場第二班一○○○米：「電氣騎士」是匹自購馬，在首季已交出頭馬，一係唔贏一贏大勝三個多馬位。上季此駒因受傷以致較遲復出，然而成績不俗，七戰得四亞兩季，落第僅一次跑第四，只是欠缺一場頭馬。

今季「電氣騎士」就贏返夠本，贏夠三場，兩次在同程建功，一次贏谷草千二。前仗此駒贏同程時被捧到次熱胸有成竹，最終不止贏得輕鬆，更吸引是過往贏馬不是放出就跟守第二位，而這次走位4-4-1照贏可也。上仗「電氣騎士」演出走樣，千二威力不及一千，仲要孭頂磅沿途走外疊，落敗情有可原。事實上，「電氣騎士」跑一千威力最強，三戰兩冠一亞，兩次贏馬都輕勝而回，同時說明為何放棄上周三谷草二班千二，一心一意等今晚。

「電氣騎士」跑一千威力最強，三戰得兩冠一亞。

唯美主義追得過

第八場第三班一六五○米：「唯美主義」今季轉四歲迅即入局，首戰八十一倍跑第五輸不足一個馬位，之後改攻田草千六連續三仗上名，跟手連贏兩場，次次交出超強後勁。之後此駒上到三班一度出現樽頸位，幸好馬仔細細體力充沛，頂得住密密出戰，減夠分重返四班，大前仗又再建一功。

「唯美主義」重返三班以為又會坐馬監，前仗爭泥上仗谷戰部署亦似是減分為主，誰不知上仗同程殺入Q腳，說明谷草一樣啱跑。看剛舉行的田戰有場三班千六，馬房安排跑開谷草的「錶之量子」出爭但無功而返，反而三勝田草千六的「唯美主義」再次吼準谷草同程，而且今戰多快馬有步速，形勢同上仗相似有利後上，呢口寶尾的確追得過。

「唯美主義」再次吼準谷草同程，而且今戰多快馬有步速，形勢同上仗相似有利後上，呢口寶尾的確追得過。

兆文