晨光追擊│「花果猴王」篤定補中

「金鎗六十」失落於冠軍一哩賽，究竟是傷瘉狀態不足？抑或是未能應付變化地？其實這場敗仗，對於馬王粉絲來說未嘗不是好事，因為有充足落敗理據下，可有藉口暫不退下來，於下季繼續服役。

明亮天下不勝無歸

第四場第三班一八○○米草地：「明亮天下」幕後早已表明進軍打吡，奈何抵港時間比預期遲，因此遲了開操，同時路程由短途跑起。「明亮天下」有的是能力，首戰千二路短，留前鬥後照贏可也，翌仗轉爭千四，早段落腳太慢落後極多，末段仍追勢不俗，造出全場最快拉士。

「明亮天下」前仗繼續增程，扳上千六，可是同之前一樣前速欠奉，早段力騎唔走，一直留在尾二尾三位置，本身形勢惡劣到痹，仲要遇上慢步速當然無運行，最後居然追獲亞軍，只不敵之後再贏的「手到再來」相當犀利。上仗「明亮天下」依然厲害，一下子跳上二千米繼續上名，就算輸得稍遠，只因地場不利，並再次遇上慢步速。目前七十三分極具優勢，今戰爭千八亦無問題，不勝無歸。

「明亮天下」今戰爭千八亦無問題，不勝無歸。

花果猴王收復前失

第九場第三班一二○○米泥地：「花果猴王」是澳洲自購馬，來港首兩戰草地未有佳作，第三戰初跑泥地同程即有驚喜得第四，一月二十四日報名後卻因為心律不正退出，幸好只是小問題，三周後已再度出戰，不過未有好表現。大前仗六十分馬繼續爭三班，排外檔票數冷落未肯郁手，結果前仗落四班即立即建功，縱使起步慢了全程在後，仍以強勁衝刺後上得手。

「花果猴王」上仗重返三班持續神勇，若非又一次慢閘，繼而騎番上前用太多力氣，又或者畀多五十米衝刺已再下一城。「花果猴王」近況弗得交關，今次再遇一眾蹄下敗將值得看好，只要出閘順利再無甩漏，補中幾可篤定，甚至可望輕鬆大勝。

「花果猴王」近況弗得交關，今再遇一眾蹄下敗將，當然值得看好。

兆文

緊貼最新最快新聞資訊，請立即下載星島頭條App：https://bit.ly/3Q29Vow