晨光追擊│「大眾勝利」朝氣勃勃

由於大多參戰馬已於周三出跳，故此昨朝進行試跑的參戰馬不太多，幸好仍不缺勇馬。現將所見報道如下：

「大眾勝利」戴頭罩由希威森跳兩段，神色無咁淡，仲要擔高頭走，試來朝氣勃勃，久沉馬狀態轉好不少。「飲杯」戴頭罩由潘頓跳一段，試來淡定從容不逼，落腳輕快有彈力，唞夠操足依然省鏡。

「快快盈」戴頭罩由周俊樂跳一段，神態集中唔再分心，毛色越來越潤澤，進度理想。「實力哥」田泰安跳一段，躍躍欲試全程緊韁抽實，馬身收得好壯，予人一見傾心之感。

「高明力量」戴頭罩由董明朗跳兩段，力度早已好充沛，馬身壯健脹卜卜，今課試得好放鬆。「手機錶霸」戴頭罩由布文跳兩段，唔再急口快慢由人，出腳爽勁力貫注，比前再進一步。

龍之輝狀態吸引

「盛世名駒」助手跳兩段，雙目有神，仲要墜手起勁充滿火氣，正值上佳水準。「龍之輝」戴頭罩希威森跳兩段，急口馬似足部火車頭，試來急勁好生猛，馬身又粗壯，狀態極之吸引。

「龍之輝」今晨試來急勁好生猛，馬身又粗壯，狀態極之吸引。

「滿冠熊」助手跳兩段，暗火湧現好肯走，老馬有此鏡頭好現象，而且外觀極對辦。「特別美麗」戴頭罩助手跳兩段，出腳既爽且勁，馬身好靚毛色烏卒卒，狀態在最佳時。

「鹿鼎記」周俊樂拍伴跳馬草閘跳兩段，拍住走姿態好輕鬆，神態對辦馬身收得靚，確認復甦。「家樂飛駒」助手跳兩段，灰馬身實淨，力度亦唔錯，保養理想老而未頹。

「多利彩駒」戴頭罩由助手跳兩段，仍有點心急，仲要伸住頸走，表現平平無奇，唔覺吸引。「年年友福」湯普森拍「裕達寶駒」草閘跳兩段，落後少少追上，唔懶散好兆頭，毛色保持潤澤，未見走樣。「勁速威龍」戴眼罩由何澤堯草地跳兩段，雖然難操控，但總算出腳順暢，神采奕奕，展現出好朝氣。

兆文

緊貼最新最快新聞資訊，請立即下載星島頭條App：https://bit.ly/3Q29Vow