拍馬難追及鋒而試
2021-11-19 00:00
「龍鼓飛揚」戴頭罩由潘頓草地跳兩段,健步如飛渾身是勁,馬身好靚展現線條,季內最弗今次。
「四季喜」戴眼罩由何澤堯草閘跳兩段,火猛墜手全程捉實,神態活潑,狀態有進無退。
「顯心星」薛恩拍「川河尊駒」助手草閘兩段,前駒神態昂揚落腳爽勁,毛色好靚悅目透光,狀態亦勇;後駒平穩走過力度尚可,老馬仍有兩嘴。
「將王」戴頭罩由韋達跳兩段,相當規矩快慢由人,落腳輕快彈力夠,論態甚出色。
「凌駕」戴眼罩由助手跳兩段,走勢硬淨勁力未減半分,馬身保持壯健,長期勇銳。
「勤德兼備」助手跳兩段,外檔輕鬆走過,步順爽勁精神奕奕,老當益壯狀態不俗。
「常拼常勇」戴頭罩由助手跳兩段,步大力雄勁度充裕,身壯色潤外觀好靚,依然省鏡。
「拍馬難追」戴頭罩由助手跳兩段,動作利落步穩力足,神態對辦觀感不俗,熱身兩仗後已及鋒而試。
「電子兄弟」戴頭罩由蔡明紹跳兩段,愈見內斂收放自如,步順輕身極惹好感。
「高瞻遠矚」戴頭罩由助手跳兩段,貼欄走末段加快步伐,反應凌厲火力十足,狀態大勇。
「峰爭」戴頭罩由副練跳兩段,未有用力搶口,表現比前更淡定,贏開醒神持續進步。
「快搏」戴頭罩由潘明輝跳兩段,有少少急但操控得住,毛色轉深潤馬身收壯,狀態續進。
「合夥雄心」何澤堯跳三段,唔急唔搶氣宇軒昂,收身毛色皆靚,勝後狀態再進一步。
「競駿翩翩」巴度跳兩段,無搶口收斂不少,落腳輕巧且前腳無出咁高,操勇已準備就緒。
「嘉應之星」戴眼罩由助手跳兩段,神態活躍且有活力,弗開無走樣。
「一定美麗」助手跳兩段,馬身壯碩,雙目有神朝氣勃勃,保持勇態。
「美麗非凡」助手跳兩段,斂晒口唔急唔搶,身形又靚好實淨,走勢又爽,小休後態有九分勇。
「加州十大」戴眼罩由助手跳兩段,唔駛騎懶性大減,朝氣旺盛贏開有勢。
「柏林探戈」助手跳兩段,好輕身走勢爽,神態軒昂論態極佳。
關鍵字
最新回應