好運寶馬潛力豐厚

一眾大倉口在季初多會先觀望形勢，現時仍未開始發動攻勢，所以是中下游倉口出擊的最好機會。今日有幾個本地倉精銳盡出，佼佼者就有丁冠豪，全日出馬七匹，當中有多匹實力分子，有望連場躋身前列，值得睇好。

第四場第五班一四○○米：「合金之星」出戰四班一直減分，上季中落到五班就唔同講法，此駒屬後追之輩，出戰谷草蝕章亦輸唔遠，之後主攻田戰一再交出好表現。在五三六場「合金之星」出戰同程首度上名，接戰縮程千二即補中，跑出時間唔快，但慢閘失利入直路又受困，在遲望空下仍能勝出，可見是貨真價實，也因此再出持續見好，對上三仗全拼入三甲，表現變得穩定。

「合金之星」目前三十四分仍佔優勢，唔跑開鑼賽日千二，該仗廄侶「天天智庫」佳作欠奉，已排除讓路之嫌，同時肯定容天鵬安排前駒出戰今仗千四，必定是有的放矢。

第八場第三班一二○○米：「好運寶馬」首戰谷草已有好表現，早段慢腳留前鬥後，末段在窮追不捨之下殺入三甲，接戰改攻田草啱追順利補中。練馬師安排這匹慢腳馬增程部署十分正確，再出扳上千四繼續上名，奇怪的是千四好開，翌戰竟然跑番千二，該戰拼失只跑梗頸，不久幕後就安排將「好運寶馬」轉到丁廄。

丁冠豪接手「好運寶馬」無耐已安派牠上陣，賽前並無試閘，甚至只跳了三課，結果贏馬不特止更大勝而回，潛力豐厚之質新當打馬，升上三班無阻力，尤其細馬得以孭輕磅爭勝事半功倍。早前試閘要騎看似疑點，實則以往試泥閘亦無次好，最重要省過後火力增強，狀態愈見理想。