「開心日子」五班佔優勢

第一場第五班一八〇〇米：「開心日子」一向密密跑，上季雖然未有頭馬進帳，但下半季演出準繩，最後六戰全入前四名。長途馬狀態要多跑至好，今季首兩戰此駒的表現平平，絕對可以理解，然而在十月十一日賽後卻驗出心律不正，為此要唞了三個月。幸好「開心日子」是正宗打仔馬，傷瘉後又可以密密出戰，短短兩周內跑三次，雖然成績一般但毋庸介懷，最重要可以出賽，確認徹底傷瘉後，做番昔日的「開心日子」。

同時因為「開心日子」連場落敗，其評分已減到四十分，可以落五班出賽。眾所周知，四五班的實力差距極大，今戰「開心日子」必佔有優勢，更吸引多跑下熱身足夠，最近竟再試多課閘，出擊心意不問可知。

第三場第一班一六五〇米：英國自購馬大多慢熱，「星運子爵」有本事在首季一再躋身前列，期間更因傷休息半年，可見質素極高。今季此駒已全面適應水土，首戰用跟前跑法打開勝門，以為可扶搖直上之際卻突然變陣，一再用留前鬥後跑法，仍能兩度殺入Q腳，一仗僅輸四位三身位，另一仗以半身位飲恨，表現及格有餘。上仗「星運子爵」唔留後，甚至採取快放，終於再度取勝，確認此駒跟前好過留後，跟前是其最強殺着。當打當銳之馬升班孭輕磅未落下風，再講今仗曾勝一班賽馬並不多，形勢大好，添食在望。