星島日報

駿益善四班難留

2021-02-21 00:00
  蔡約翰剛戰梅開二度,相反方嘉柏未有進帳,目前兩人只得一場差距,看今日蔡約翰精銳盡出,其中兩場盃賽更有實力惡馬,預期將會增添進帳並贏埋盃賽,登上榜首。事實上,蔡約翰練馬出神入化,不止部署精闢獨到,更厲害馬匹可保持充沛體力,亦因此蔡廄馬絕少會有失準演出。
  第五場第四班一四○○米草地:「駿益善」初出時毫不起眼,實則該仗是在慢步速下爆出廿二秒一一,全場第二快末段。之後兩戰此駒的表現不過不失,前仗加眼罩一試,效果更顯著,直路初受困遲望空照勝出,並殺退之後上三班有好表現「真勝者」,贏得極具說服力。
  「駿益善」本身已係後追馬,上仗因應十四檔留得更後,在極度劣勢追入Q腳,更吸引的是在入直路後未有轉腳,仍能爆出可怕的超強後勁,高質盡顯,四班一定留唔住。唞了近一個月的「駿益善」體力充沛,睇埋近期拍跳課比課進步,表現淡淡定,不像以往般郁身郁勢,走規亦見改善,今次想輸都難。
  第十場第三班一四○○米草地:「疾風明駒」之前幾仗走得接近但毫無威脅,前仗扳上千六更跑包尾。上仗縱賀銘年殺得性起,此駒依然備受冷落,結果食住騎者旺勢爆出半冷,贏夠一又四分三身位,勝來甚為輕鬆。再看該仗尚要是快步速賽事,牠有本事快跟下爆贏唔簡單,再看蹄下敗將「糖糖幸運」同「浪漫組合」之後同場比拚分列冠季軍,更見賽事水準極高。
  唞了個多月,「疾風明駒」的備戰工夫並唔馬虎,包括曾試過大閘,可能試得失色令人卻步,實則「疾風明駒」該閘用了唔鍾意佩戴的防沙眼罩,至於為何要用?我認為是保護性質避免食泥,加上是刻意陪跑,志在輕舒步頭。 今仗我對牠有信心!

最新回應

相關新聞

「美麗日子」神采奕奕

2021-01-28 00:00:00

北極光步活如輪

2021-01-23 00:00:00

湛江最醒態在勇點

2021-01-11 00:00:00

玖寶神態威武

2021-01-05 00:00:00