合夥贛勁千四仲好

農曆新年第一擊，當然留意本地馬房，皆因華人都希望贏馬攞到頭采，事實上，多個本地倉口均派多駒出戰，其中蘇偉賢和沈集成更來勢洶洶，的確兩人今季相當正氣，尤其沈集成，自十二月開始殺得性起，這兩個多月瘋狂地贏了二十場。

第二場第五班一四○○米：「合夥贛勁」在七月十日做了矯正喘鳴手術，三日後做多個喉室切除手術，兩次開刀聽見都怕怕了，加上過往從未跑近過，上仗復出當然不太留意。結果卻令人喜出望外，留到好後極度劣勢，去到最後二百米仍在包尾，之後衝刺亦要左插右插，困難重重下殺入冷披而且當戰水準不俗，頭兩馬「明月千山」、「首飾傳奇」及後上名同贏馬。

今次練馬師安排「合夥贛勁」改攻千四，對於跑法後追的牠有好無壞，近期試多兩課閘，潺仔馬可辣操乃好事，配合同主「合夥年代」而來值得看好。

第四場第四班一二○○米：「齊齊友福」、「尖辣椒」、「醒旺財」及「大眾開心」好有緣分，上仗同場比拼跑獲冠亞季殿軍，一月個後齊復出竟再次對壘，要知道今日四班千二有兩組，卻無一匹偏在另外一場，唔知事有奏效，抑或評磅員刻意安排呢？

「齊齊友福」、「尖辣椒」上仗串Q彈甩群駒，以該仗僅以短頭位之差分勝負，今次「齊齊友福」要再讓「尖辣椒」多三磅，後駒反先機會好高。老實講，上仗對「尖辣椒」有所保留，之前近都近未近過，更弊賽前缺過課，估唔到突然進步，前後兼備末段愈鬥勁，拼後最近試多課閘既積極又見到進步，馬膽信得過。