人和家興三班過客

今季雷神的表現甚少失準，備受爭議的跑法亦少之又少，最厲害是難發揮的馬，落在他手上多可跑出水準，好似剛戰「晉神」既重口又內閃，但在他胯下就未見有上述問題，「勁力威龍」也有以上缺點，尚要早段嚴重受阻，最終仍可取得勝果。

第五場第五班一六五○米泥地：「百寶袋」近戰表現突飛猛進，在166場次跑谷戰一哩入Q，逼到「明德之星」透不過氣，後駒之後多添一冠兩季一殿。之後「百寶袋」再出不跑一哩而改攻千八，同時報名四日後的泥地千二，結果在谷草千八一役搏輸，在泥地千二一仗則勝出。要知道跑完長途賽事，四日之後匆匆再跑，馬匹在體力上未必頂得住，結果「百寶袋」不止大把力，仲要在大幅縮程下放出輕勝。

上仗「百寶袋」成熱拼失或多或少是一下子加磅太多，亦可能此駒並非短途馬，失去新鮮感下再跑千二已嫌短，今仗改攻一哩用意好。再睇埋周一拍跳面對「醒臣」、「胆大威猛」不落下風，狀態托弗，補中呼聲高唱入雲。

第九場第三班一二○○米草地：「人和家興」首仗出戰同程輕鬆放到，跑出一分八秒四六乃今季四班最快時間，甚至香港短途錦標得主「野田重擊」都係跑一分八秒四五。第二戰「人和家興」克服升班、轉場、換人等等不利因素再贏一場，而同場跑第二的「平常心」之後亦再獲兩勝。

上仗「人和家興」頭兩段造四十六秒七七，比起前仗四十五秒九九慢得多，薛恩並無跑錯，難明何解落敗，姑勿論如何，今次有一個月休息期，同時回師田草，兩方面都足以畀到牠新鮮感，更重是其狀態依然銳利，三班過客可追捧。