星島日報

「馬功臣」有力反底

2021-01-13 00:00
  今季好多四歲馬具備優厚質素,預期下周上演的四歲系列賽首關經典一哩賽將有一番激鬥,但隨着剛戰尾場的失望戰果,老馬「非凡才子」竟可以將一批四歲馬打敗,似乎牠們的進度比預期有落差,再不會出現「佳龍駒」和「金鎗六十」的一枝獨秀局面,甚至三場四歲系列賽的冠軍均由不同馬匹取得。
  第六場第四班一二〇〇米:「馬功臣」初期星味十足,第二季入選為馬會十大新星,點知失望了大半季,辛辛苦苦才在季尾贏一場,接住一季更失禮,從未殺過入三甲席位。
  正當淡忘了「馬功臣」之際,上季六歲突然神勇,密密上陣密密躋身前列,仲要贏夠三場。換來大幅度加分,今季在三班只能跑得接近,就算近兩仗重返四班未有起色,但睇番次次排大外檔,賽前備戰亦欠缺積極,落敗非戰之罪。今次就唔同了,「馬功臣」足足唞了七個禮拜儲足火力,更吸引的是賽前安排拍跳,要知道「馬功臣」對上一次拍跳已經八月份,態度作出一百度轉變,加上落在弱組,有力反底。
  第七場第三班一二〇〇米:「人和家興」初出輕鬆取勝,跑出一分八秒四六,比起當日三班頭馬「競技勇士」一分八秒五九更快,而尾場贏二班「夢想成金」跑一分八秒一四,亦只比「人和家興」快三線。質素極高之馬,升上三班點會有阻力,一早試過兩課谷閘且次次有好走勢,雙槍將田谷俱合,上仗改攻同程當然順利再贏,就算配上女將亦無有怕,並且繼續跑出快時間,而亞軍「平常心」再出彈甩大勝,更賽事水準極高。仍在三班出戰孭輕磅,「人和家興」當然有賺無蝕,最近試多課閘輕勝進步又勇,再贏保住不敗身話咁易。
  

最新回應

相關新聞

加州雷電有力反先

2021-01-01 00:00:00

銀亮之星步爽有力

2021-01-18 00:00:00

「是必飛飛」弗到漏油

2021-01-07 00:00:00

首飾傳奇硬朗有勁

2021-01-04 00:00:00