樂●活｜涼浸浸滋味

天氣悶熱，好多時都想食啲清涼爽口嘅涼拌小食，開胃啲之餘，亦都唔會食完之後覺得全身發熱。

最近喺OK便利店發現咗一系列嘅涼拌小食，當然急急入手加餸！3款即開即食嘅開胃小菜包括尖椒皮蛋黑木耳、麻醬雞絲青瓜海蜇、花雕雞腎，一人分量嘅冷盤，夠晒清爽，而且味道亦夠晒地道，食嘅時候打開雪櫃，撕開包裝就可以食，既解暑又惹味解膩，除咗可作為前菜，當作宵夜解饞亦都非常適合。

炎炎夏日，除咗涼拌小食，當然唔少得雪糕！繼年頭推出豆乳雪糕杯，百福豆品供新推出豆乳雪糕2.0，以最純粹嘅沖繩古早味黑糖結合百福自家製濃滑豆乳，炮製出沖繩黑糖豆乳雪糕杯，延續黑糖豆乳嘅和式風味，既有豆腐花原有嘅豆香，又可嚐到幼滑嘅豆乳雪糕，那入口更有着獨特嘅甘蔗香味。沖繩黑糖豆乳雪糕杯嘅單件裝及家庭裝同步推出，會於Circle K 便利店優先發售並於超級市場及各大便利店陸續發售。

順帶一提，Circle K便利店即日起至8月14日舉行一連4日嘅限時優惠，只需$53就可買到8件雀巢牛奶公司雪糕杯系列、鷹嘜奶條、 MEGA雪糕批及能得利冰棒，平均每件只需$6.7。

夏天出街，總會唔覺得就買咗杯凍飲。香港星巴克推出首個Starbucks Co-Brew 飲品創製活動，大家可以挑選心水配料及裝飾，創造夢想中嘅星巴克飲品，並有望於2023年在香港及澳門星巴克限定推出。Starbucks Co-Brew活動嘅「Co-Brew」，是指透過聯繫咖啡及茶飲愛好者，互相分享靈感，依個人心情創作出個人專屬的飲品，再集合各人的獨特喜好及構想，融入至將會推出的Co-Brew飲品中。顧客只要在8月19日起，每逢周五至周日於指定分店購買任何含鮮忌廉的凍手調飲品或星冰樂，便可以免費從10多款配料中挑選2款配料，包括蝴蝶酥、爆谷、棉花糖、多款穀物脆片、威化棒、菠蘿乾、紅莓乾等特別配料，令大眾在店內都可以發揮創意，一嘗不同配搭。

由8月9日起至9月25日，顧客可於Starbucks Co-Brew網站（mythirdplace.starbucks.com.hk）創製專屬自己的Starbucks Co-Brew 飲品，凡成功提交 Co-Brew飲品創作嘅參加者均可成為星巴克會員並獲贈不同獎賞，包括免費中杯飲品獎賞、飲品買一送一獎賞、$5折扣獎賞、$10飲品及美食折扣奬賞、商品八折獎賞、或免費飲品升級獎賞。提交創作後，參加者將會獲得推薦碼。推薦最多朋友並成功提交創作的首3位參加者，更將會贏取365張手調飲品券，可以全年免費享受星巴克飲品。星巴克將於10月邀請大眾於香港星巴克Facebook專頁投選3杯最受歡迎的StarbucksCo-Brew 飲品，獲選創作有望於2023年首季在香港及澳門星巴克限定推出。

作者：Laurie Wu（愛保健愛旅遊愛購物的熟女）
[email protected]