阿碌開咪｜想做國際大作家？

一人有一個夢想，但是，夢想很易被現實打殘，包括你的父母或老師！　

尤其是你的夢想，被視為「虛榮」或不屬傳統按部就班升職加薪，然後養妻活兒，再買屋仔車仔的「玩意」，例如做明星、做歌星，甚至作家。

記得孩童時代，我很多口，也喜歡聽多口而有技巧的人講嘢，故此，晚晚到上環大笪地睇阿叔賣藥，好奇點解佢冇氈冇扇，可以吸引數以百計人準時或踎或企聽個多小時。其實說穿了，就是語言的吸引力及魅力，令聽眾慣性想日日聽佢講乜，娛樂性極高也。

小弟當年也是收音機迷，聽見李我叔及鍾偉明大哥天天講空中武俠小說，也是日追夜追。

久而久之，夢想自己也有一日變成佢哋咁就正嘞。

「想愴你個心呀！」長輩一聽話想做電台，立即成盆冷水淋過來：「集中精神讀好書，考好會考先啦，成日發夢做乜乜物物廣播！幾時瞓醒？」差在未兜巴星。

夢想？唔講過程嘞，放棄就一世唔成功，緊追人生目標，機會到自然夢想成真。

呢呢，終於我就以廣播成為事業，一做三十幾年。不但做廣播，更做埋「作家」，出咗N本暢銷書。

各位，你又有冇我一般的夢想，希望成為作家呢？小弟永不會窒你——想愴個心。反之，今日推介一個令你起飛的計畫！

快快參加「初創作家出版資助計畫」啦！此活動由香港出版總會主辦，全力發掘有志做作家者。

你提出你的計畫，若合資格，犀利喇，可以有三大「猛力扶持」：一、每個獲選項目可獲五十萬元資助（涵蓋內容創作、出版印刷及宣傳推廣） ；二、香港資深出版人、專家及學者義務提供指導，協助你起飛；三、作品有機會在國際書展中展出，版權或可以輸出。

如此條件，簡直是一個夢，但夢想絕對可以成真！若三十年前有此計畫，我必瞓身飛撲而去，力爭完成目標。

你都想參加？咁就快快去電2340 8869，搵鄭小姐傾傾個人大計啦！

曾智華

阿碌開咪