樂●活｜2022宜動也宜靜

踏入2022年，先祝各位新年快樂，每日都開心健康！趁住新一年開始，今日Laurie就約埋朋友大玩特玩！

設於中環泛海大廈地下嘅ZA 嘉年華有得玩遊戲、又可以贏嬴獎品兼嚐盡美食，齊齊玩轉。現場即巨型扭蛋機 PowerDraw ，實行一反傳統，讓大家走入色彩繽紛嘅機身之內，成為堵吉祥物Zappy、Alfie 嘅新年禮物，打卡「呃 like」無難度。仲可以去埋機身背面一試手氣夾出扭蛋，而且更保證人人有獎，永不落空，Laurie問過PowerDraw會每日送出總值$20萬豐富獎品，除了一系列 ZA 旗下品牌的限定優惠，更有包括Flash Coffee、MaskOn._、Cookie Vission、THANN 等嘅禮品。

版商品，包括 ZA x Maskology 聯乘口罩、tote bag 等，而入場時會獲發 會場限定 ZA Passport，只需於 ZA 嘉年華內完成指定任務儲印仔，就可到換領處免費換領禮物。除咗買嘢，嘉年華當唔少得特色美食，場內有 12 間城中人氣餐廳的美食攤位，無必食推介包括：創意料理海膽魚子御結、流心曲奇餅、有氣冷萃咖啡、龍鬚糖等，部分餐廳更專門為 ZA 嘉年華推出獨家隱藏菜單，吃貨們記得唔好錯過！嘉年華仲有快閃獎賞、會場限定消費回贈同終極大抽獎，記得要留意。

同場更有打卡裝置Mirror Room，讓大家喺光影交織嘅夢幻國度打卡留念。最特別係Mirror Room 會根據名字、性別和星座為大家預測，將運程預言投射喺多面鏡牆上，實行喺自選心水顏色燈光、預言和反射影像下，體驗非一般視覺震撼。

想靜態少少的話，可以考慮下去睇展覽！設計的基本原則係為咗解決問題，周遭好多設計產品都係為咗令生活更方便舒適，但設計喺「功能」以外，還有更多可能性，例如帶畀大家窮一生嘅「快樂」。一個好嘅設計唔單止可以解決生活上實際嘅問題，更能滋養用家心靈，帶來窩心、正面、持續快樂嘅感覺。香港設計中心嘅「設計光譜」正喺灣仔茂蘿街7號3樓舉行全新主題設計展覽「給快樂的設計」（Delightful Design），更邀得Milk Design創辦人及設計總監利志榮擔任策展人，透過其多年設計師經驗及教育者的濾鏡，一同探討和分享如何想像、估量與追尋幸福快樂。展覽共有30多件來自香港、內地、日本、韓國、英國、美國和荷蘭等地的出色設計嘅展品，等大家可以從中尋找、了解快樂。

至於由香港知專設計學院及紅點研究機構主辦嘅國際展覽紅點設計展：設計．價值，就以 「Essence of Design」為題，喺HKDI Gallery d-mart展出透過展出多項破格立新且榮獲紅點設計獎的產品及品牌，探索優秀的設計如何創造價值。當中包括德國衞浴設備品牌GROHE會展出歷年獲獎的創新及高科技產品，包括廚房水龍頭、面盆水龍頭、洗面盆、智能家居水控系統等，大家可以喺GROHE嘅設計見到品牌點樣將先進技術、優良品質、精湛設計和可持續性品牌價值融合在研發產品之上，為消費者帶來「淨水的喜悅」。

另外，香港理工大學夥拍市區重建局及華懋集團，喺環街市舉辦一系列以「設計中 Designing Central」為名嘅創意及設計活動，當中主線活動之一「展覽中」全新戶外展品「歡樂頌」就由15件日常用品所組成，設計者通過在它們「身上」尋找、小改動和調整，發掘出原來普通如「豬仔錢罌」、酒瓶甚至茶壺等物品，的另類特質，找到合適的音階並成為琴鍵。「展覽中」亦喺中環街市一樓展覽空間為你呈現20個不同面向的香港創新故事。

鍾意水墨畫的話，就唔可以錯過香港中央圖書館展覽館正舉行世界最大型的水墨畫展覽——全球水墨畫大展2021。展覽透過虛擬實境、動畫及數碼水墨筆觸等多媒體創科技術嘅應用，結合傳統畫功與現代科技，提升香港作為中外文化藝術交流中心的國際地位。展覽精選逾500幅水墨傑作，分為人物、花鳥、山水、動物及現代五大範疇，分為3期展出。除了一眾水墨畫大師外，更有香港漫畫界殿堂級人物黃玉郎首次跨界創作水墨畫。

 

作者：Laurie Wu（愛保健愛旅遊愛購物的熟女）
[email protected]