樂●活｜歎住美食在家抗疫

繼續為大家介紹可以輕輕鬆鬆就喺屋企食到唔同特色美食嘅推介！

日本菜向來都係唔少人嘅最愛，而Omakase更加係近期嘅大熱，將食啲乜嘅重任交畀廚師發辦，簡直適合有選擇困難嘅朋友，而且仲可以食到由廚師精選最新鮮、時令嘅配搭。RENT-A-KITCHEN嘅出租廚師服務就令大家足不出戶都一樣可以享受到高級日式料理Omakase廚師發辦，實行由大廚上門到家中親手炮製最新鮮嘅時令日式美饌！Omakase壽司最基本菜單有3款前菜、2款刺身、1款一品、10款壽司加卷物、1款食事、1款吸物1款菓物，仲可以追加中拖羅或大拖羅，但就需要預早預訂，客人可以選擇廚師上門，在家中用餐，但需要另收來回車費，廚師會於用餐前1小時到達準備。

除咗日本菜，韓國嘅美食都有唔少Fans，大家可以試試主打親民價地道韓菜、專營韓國湯品，炸雞及傳統料理嘅韓閣Korean Loft Cafe，店內大部分選料由韓國直送，用料地道新鮮。大家可以考慮試試該店嘅特選燒肉自己燒套餐，所用嘅韓牛餐更用上1++濟州韓牛，其中嘅2人餐包括頂級韓牛(1++) 及 黑毛豬腩片 、辣味鳳爪／炸白飯魚豆腐、韓式魚片牛骨湯、韓閣雜錦小食拼盤、爆蒜牛油焗青口、忌廉蘑菇釀雞翼、北海道帶子沙律、燒蟹膏軟殼蟹手卷、罐裝汽水及甜品，當然唔少得食韓國菜必食嘅韓國前菜，，而家經KKday訂購總會加送真露牛油焗鮑魚。

追求健康嘅朋友們，就一定要試樂婷媽媽嘅無添加激素滋味雞煲。樂婷媽媽嘅所選用嘅食材會係無味精、無激素、無防腐劑，而醬料亦全部採用香港本地品牌，可以話係啱晒香港人口味嘅健康美食。無添加激素滋味雞煲分為2至3人用、4至5人用及6至8人用等，而且仲可以揀滋味雞煲（不辣）、 香辣雞煲、滋味花膠雞煲（不辣）、香辣花膠雞煲，以及香辣小龍蝦，至於火鍋配料就有蔬菜盤（生菜、娃娃菜、粟米段、鮮冬菇、響鈴）、美國特級肥牛火鍋片、西班牙杜洛克火鍋腩肉薄切、牛丸、無添加炸魚皮、健康手工薯粉等。

如果會去屯門市廣場、奧海城、荃新天地、中港城、黃金海岸商場及尖沙咀中心及帝國中心買外賣的的話或，由即日起更有推出消費獎賞，S⁺REWARDS會員於場內食肆外賣單一消費滿$200，即賞$20購物S現金券。為咗方便大家買外賣，信和集團商場更設WhatsApp外賣專線，讓大家隨時取得以上信和集團商場的餐廳優惠及外賣資訊。由即日開始，每天中午12時至晚上9時期間，大家可WhatsApp查詢餐牌、食肆優惠、外賣自取或外送服務的資料。商場食肆更配合推出多項外賣優惠，其中屯門市廣場BEANS推出外賣自取7折優惠（晚上6時後適用）；奧海城家上海推出外賣自取8折優惠；荃新天地「一幻拉麵」推出外賣自取套餐低至55折優惠，中港城元気寿司推出網上訂購壽司盛外賣自取低至85折優惠；黃金海岸商場Chef’s Cuts Meat and Deli推出自選菜單外賣自取9折優惠（晚上6時至8時30分適用）及尖沙咀中心及帝國中心「會所一號維港皇宴」推出外賣自取7折優惠等。

因為晚上6時候唔可以堂食，就連酒店到配合推出外賣自助餐、房內自助餐及Work From Room優惠。其中香港維港凱悅尚萃酒店就推出房內自助餐，每日晚上6時至9 時，住客可以於晚餐時段無限次到The Farmhouse 咖啡廳揀選自己喜歡的食物，於房內舒適地享用自助晚餐。由即日起至2022年1月20日，凡訂購「尚萃宅度假」住宿連The Farmhouse咖啡廳自助晚餐的客人會自動轉為房內自助晚餐，其他入住客人亦可以加購房內自助晚餐。（立即預訂）另外，仲有「外賣自助餐」，每份「外賣自助餐」配有一款廚師精選沙律、一款甜品和一個外賣餐盒，大家更可在熱食區內挑選自己喜歡的食物裝滿於外賣餐盒內。

陸續有公司推出Work From Home，如果屋企唔太適合WFH，又或想於舒適嘅酒店房間內享受寧靜的工作間，而家以$3,000+10%購買5張Work From Room使用券（立即預訂），客人可憑單張使用券享用標準雙床客房1天，由上午8時至晚上6時（只限星期一至五，公眾假期除外）連The Farmhouse 咖啡廳一人自助午餐或Cruise空中餐廳及酒吧一人午市套餐，優惠更包括10張The Farmhouse Deli餅店的The Coffee Academïcs咖啡券及高速無線上網。

作者：Laurie Wu（愛保健愛旅遊愛購物的熟女）
[email protected]