【樂●活】夏日狂歡玩樂動起來

事緣Laurie嘅朋友有次去D2 Place二期行街，發現一個主打體感遊戲嘅場地，於是就話要約埋一班朋友齊齊動起來。

呢間名為PowerPlay Arena嘅室內遊樂基地有一個名為The Battlefield的玩樂區，有講求速度和力量的競技遊戲、為團體而設的團體活動以及合家歡攤位遊戲，一個場地滿足N個玩樂願望！其中區域A主打緊張刺激的動感遊戲，包括考驗反應的「眼明手快」、講求速度和力量的「超級笨豬跑」、需要在激光中穿梭的「暗黑潛行」，以及足球加桌球混合版「腳尖上的桌球」，主要係考驗玩家的身手敏捷度和靈活性。

最令Laurie難忘嘅就係「超級笨豬跑」和「暗黑潛行」，前者要扣好腰帶，拿著計分貼，向前直衝，真係要用盡全身的力量與彈力繩較勁，在極限一刻將計分貼貼在中間距離尺上，鬥貼得遠，後者就要喺黑暗的房間看準時機，不斷走位備開多條不時閃爍嘅光線到達終點，夠晒刺激！

至於區域B以團體遊戲為主，「攻防箭」室內wargame、「泡泡足球」和「左閃右避」都十分講求團隊溝通及互相合作。至於區域C 就有有合家歡嘉年華攤位遊戲，好似「球球當入樽」和

「讓豆袋飛」，可以玩之餘，仲可以輕鬆贏走豐富禮品。如果申請埋PowerPlay Arena會員卡就可以於 The Battlefield 各玩樂區使用，更與 2 樓現有遊戲區之間設有專用樓梯，玩家可以隨時穿梭不同區域，隨時享受不同玩樂設施！

 

知道有唔少朋友特別關心遊樂設備喺疫情下嘅消毒安排，現場所見場內會定期消毒所有遊樂設備、於入場前為顧客量度體溫、提供酒精搓手液及即棄用品等措施。Laurie事後亦都搵Power Play Arena嘅公關問過，原來場地專誠問過專業意見，仲成立咗疫苗保障基金，提供合共$2,000萬嘅支援金額，為已接種疫苗的會員提供更多保障。若會員因接種新冠疫苗後60天內不幸離世，PowerPlay Arena將為因接種疫苗而身故會員之提名受益人提供$100萬恩恤金，相信咁嘅安排可以令大家更為安心。

順便再介紹一個以Minions迷你兵團做主題的期限定嘉年華比鍾意周圍玩嘅大家。即日至8月1日喺黃埔天地時尚坊舉行的GANALAB夏日狂歡嘉年華，準備了6大經典嘉年華遊戲關卡等待大家來闖關換取禮品。

嘉年華由一眾迷你兵團駐守於嘉年華會門外等待大家以合照作入場證，更設6大攤位遊戲，包括百發百中、抛袋入洞、投壺飛箭、幸運彈板、幸運擲罐及歡樂彩虹磚，大家又機會贏到不同造型的Minions、Tsum Tsum、One Piece等毛公仔作禮品。

夏日狂歡嘉年華另一必玩嘅就係全港獨家Minions主題夾公仔機，換上粉紅迷人裙子的Minions、樹枝長在頭上的Minions、救護車閃燈造型的Minions，夾公仔之餘，記得要打卡留念，同場仲有超過20部扭蛋機，更有膠囊扭蛋機，單係造型已經夠晒吸引。

GANALAB夏日狂歡嘉年華由即日起至8月1日推出多買多賞優惠，憑$200 GANALAB夏日狂歡嘉年華消費單，並再次消費HK$200或以上即多送10個代幣，滿HK$300即多送30個。首20名消費滿$800遊戲幣的顧客更可獲贈全港獨家Minions表情包公仔（最多儲3張消費單據），立即擁有像Minions一樣抵死的表情。逢星期六、日及公眾假期，於黃埔天地任何指定商舖以電子貨幣消費滿$300或以上即可換領$20遊戲幣換領券乙張，相當於代幣10個。Like埋GANALAB夏日狂歡嘉年華Facebook專頁，更可免費獲得10個代幣！

提提大家記得去埋期間限定店入手限量精品，當中包括多款率先發售的精品品，如全港獨家版Minions表情包、Minions最愛香蕉抱枕和Miffy獨家版口罩。

 

作者：Laurie Wu（愛保健愛旅遊愛購物的熟女）
[email protected]