【樂●活】DSE放榜支援 線上即時解難

雖然話一次嘅成績唔代表啲乜，但經歷過公開考試嘅都知道，等放榜嘅緊張、對未來未知徬徨，確實唔容易捱過，需要有人喺身邊支持，同埋想聽多啲專業人士嘅意見！嚟緊星期三（21日），相信唔少應屆考生都好緊張！

Laurie身邊有同事、朋友嘅仔女都係應屆嘅DSE考生，所以都特別留意有乜可以幫到佢哋稍為放鬆一下緊張嘅心情！Laurie知道恒生—聖雅各福群會青年職學平台—「I am…」之前已經推出一系列支持DSE考生嘅活動，包括「見字Gear Up」工作坊、派發「DSE打氣包」、「嚐職」工作體驗等，為應屆考生調整心情嘅同時亦幫佢哋可以裝備自己。

「I am…」平台就請咗人氣YouTuber蛙姐、蛙妹擔任「Live放榜支援活動」直播嘉賓，喺7月20日下晝4點至5點半、以過來人嘅身份同大家分享佢哋嘅放榜經歷，更與參與現場活動的應屆考生玩遊戲減壓，可以喺Facebook專頁（按此）或者Instagram 專頁（按此）同與蛙姐蛙妹即時互動。

 此外，超過400位來自各行業及學科嘅網上職學達人會喺線上隨時隨地解答考生們對升學及就業的疑難，全天候支援考生需要，平台仲有亦提供放榜相關的文章和最新資訊及放榜相關的打氣短片等，希望為考生打氣及支援他們需要。

 

作者：Laurie Wu（愛保健愛旅遊愛購物的熟女）
[email protected]