【樂●活】夏日3寶 清新透心涼

夏天出汗多，所以一定要充分補水！飲水多咗難免會心思思想轉下口味！
最近因為路過Tea Château官茶坊試完一按即沖嘅茶囊，心思思想入手一部品茶囊沖泡機，30至50秒的時間即可享用一杯好茶，咁就唔使擔心落得太多／太少茶葉，或者水溫唔啱，泡唔到一杯好茶。

除咗沖泡方便之外，最吸引係Tea Château由傳統中式茶、草本茶至一口養生茶都有，共有13種茶品和口味，可以全方位以茶養生，而且品茶囊系列一律於香港製造，並採用上乘原片茶葉。傳統中式茶包含了經典茶款茉莉銀毫、碧螺春、龍井、鐵觀音、普洱、陳皮普洱，而一口養生茶就有富含療癒草本成分和具不同特性的天然療效，好似以玫瑰花、香片茶與百合、牡蠣及茯苓等拼配出的紓壓寧神茶，又或是在大紅袍加入靈芝，製成的具補氣安神、止咳平喘、抗氧化功效呀的靈芝大紅袍，其他一口養生茶包括

消脂排毒茶、美嗓茶、強肺補氣茶等。

此外，更有針對不同時節養生需要的「夏日系列」，有具補元氣、疏肝解鬱的元氣醒神茶，可清熱解毒的清熱降火。建議大家更可入手「十八茶療套裝」，一次過有齊10款傳統中式茶和一口養生茶。除咗傳統的嘗茶之外，其實仲可以將不同的材料與Tea Château的品茶囊拼出新口味，泡出新口味，例如茉莉蘋果茶及鐵觀音Mojito，口味清新。

 

除咗茶款種類多之外，Tea Château 品茶囊沖泡機的吸引之處是可同時沖泡市面其他粉囊飲品，其小茶囊與Nespresso 咖啡機兼容，而大茶囊則與 Nescafé Dolce Gusto 咖啡機兼容，可說是一機多用。

講起消暑凍飲，一定要提滿滿舊情和集體回憶嘅屈臣氏喺70年代推出嘅汽水哥喇及白檸！呢兩款紅極一時的屈臣氏汽水，今年夏天再次歸來，以330毫升的罐裝和270毫升的玻璃樽裝在百佳、屈臣氏、OK便利店、HKTVmall、pandamart、士多Ztore等地方上架，以前試過嘅可以再一次回味，而未試過的話推介大家可以試試。哥喇其實是由英文Cola直譯而來，經典可樂口味，氣泡感十足；而白檸就帶有微酸檸檬果味，清甜爽快，生津解渴，醒神解悶。

 

當年哥喇同白檸只售$0.3一支，而在7月16至23日期間，去金記冰室吃鮮茄濃汁焗厚切豬扒飯，就可以以「當年價」$0.3加購1支哥喇。金記冰室更特意推出限定茶餐白檸瑞士汁燜雞髀和以兩款汽水調製的特色飲品哥喇黑牛同鹹白檸。7月期間在奇華餅家購買正價麵包或西餅3件，即可獲贈奇華$5現金劵和哥喇或白檸1罐，至於預訂海逸國際酒店集團旗下酒店客房，都可獲贈哥喇2支。

夏天消暑當然唔少得雪糕！MÖVENPICK今個夏日就推出朱古力榛子碎雪糕、瑞士蜂蜜杏仁雪糕 及 熱情果芒果及忌廉雪糕3款新口味。朱古力榛子碎雪糕以MÖVENPIC瑞士朱古力作基底，加入濃郁香滑的榛子醬及香脆榛子碎，雙重榛子滋味；呍呢拿味雪糕加入來自瑞士堤奇諾的栗子蜂蜜、焦糖杏仁碎便是 MÖVENPICK 瑞士蜂蜜杏仁雪糕 美味的秘密。至於全新的 熱情果芒果及忌廉雪糕就以幼滑的意大利奶凍味雪糕為基礎，再加入熱情果芒果雪葩，甜酸度和濃郁奶香完美匹配，每口品嚐清新滋味及細緻幼滑。由即日起至2021年8月2日，喺全線一田超市可以$199任選3件MÖVENPICK 450-500 毫升家庭裝雪糕，或以$199任選8件100-165 毫升單件裝雪糕。

嘆完MÖVENPICK雪糕仲可以為環保減廢出力，7月21日至8月31日期間帶同任何已洗淨晾乾的護膚品空瓶一個，加上已洗淨晾乾的MÖVENPICK 空盒，到L'OCCITANE太古廣場綠色概念店回收，即可免費獲贈MÖVENPICK新口味雪糕165毫升一盒及一分額外#MEGA積分。

 

又有茶飲、又有汽水，仲有雪糕，今個夏天一定夠晒透心涼！

作者：Laurie Wu（愛保健愛旅遊愛購物的熟女）
[email protected]