【樂●活】護膚都要講新鮮!

之前為大家介紹過可以喺屋企用唔同嘅食材，好似蜂蜜、燕麥、杏仁等自製新鮮面膜！如果嫌麻煩、懶得自己整的話，一樣可以喺連鎖店買得到新鮮面膜、砂糖洗面膏同眼膜。

講緊嘅就係Lush 嵐舒，今個夏天品牌研製了5款全新護膚新鮮產品，可全面照顧清潔和呵護肌膚的護理需求。Lush 除咗堅持選用各種新鮮成分，以人手製作外，其新鮮面膜和洗面膏等護膚產品更加係香港製造，務求以最短時間，提供最新鮮優質的護膚品。

品牌新推出的青瓜眼膜，可呵護眼周肌膚的眼膜 ，驅走疲態，重締細膩迷人的雙眸！青瓜眼膜富含維他命 B 和 C的新鮮青瓜蓉，可有助提升肌膚彈性，撫平細紋和減退浮腫，同時保持肌膚水潤緊緻，而所用的海凝膠萃取除形成啫喱質感外，還能發揮鎮靜肌膚的修護效果。記得要將眼膜儲放於雪櫃冷藏，其冰涼效果令降溫鎮靜功效更顯著，為眼周肌膚注入活力和清爽感覺。

今個夏天新推出的兩款新鮮面膜分別係花蜜玫瑰面膜及可可杏仁面膜。其中呈金光色澤的花蜜玫瑰面膜洋溢清雅芳香，當中的含甘油可以為皮膚注入和鎖緊水分，配合鎮靜降溫的玫瑰水和軟化肌膚的椰子花蜜，有效締造柔軟水潤肌膚。至於可可杏仁面膜無論外觀、氣味都好似香濃的朱古力醬，蘊含有效吸附面上多餘油脂的可可粉和高嶺土，使肌膚回復潔淨清爽，意杏仁脂滿載維他命E，能滋潤、保護和紓緩肌膚，再加上可以平衡肌膚的紅木精油，可在洗淨肌膚後留下一絲柔潤感覺。順帶一提，新鮮面膜要冷藏保存，並在製造日起 28 天內用完。

至於洗面膏就可以揀蘆薈砂糖洗面膏、杏仁奶昔砂糖洗面膏。唔講唔知，原來蘆薈砂糖洗面膏本身係位於巴黎的新鮮產品及花店專門店的限定產品，因為大受歡迎所以先變成品牌全球的常規產品。成分包括竹莖萃取及金砂糖，可以喺潔面時進行溫和的磨砂修護，令肌膚更顯光澤和柔軟，加上配方用咗具舒緩、補水效果的新鮮蘆薈凝膠、可消炎且抗氧化的牛膝草精油，特別適合肌膚較柔嫩的人士使用。至於杏仁奶昔砂糖洗面膏就最適合肌膚容易敏感泛紅，又想用磨砂修護締造清透肌膚的人士，產品用上異極礦粉及杏仁奶，有助紓緩肌膚兼提供極致溫和的潔面護理，而金砂糖及赤鐵樹果脂就可以帶來柔滑的去角質修護，赤鐵樹果脂更有助恢復肌膚活力和彈性。

 

作者：Laurie Wu（愛保健愛旅遊愛購物的熟女）
[email protected]