【樂●活】香港獨有的維港癲噹開心村

2021-04-22 14:00
公關朋友知道Laurie鍾意癲噹 ,一早約定一定要去荃灣海濱公園長廊的維港癲噹開心村走一趟,結果真係好有驚喜,仲影低咗唔少靚相!

維港癲噹開心村的村口有2米高的癲噹以及阿讚貓立體頭像,由村口一路閒逛,就可以與不同造型的癲噹打卡合照,仲可以飽覽荃灣海濱的美景,Laurie去的下午,更捕捉到夕陽西下Magic Hour最美麗的一刻!

行邊影相,先發現原來唔係打卡點咁簡單!細問公關朋友先知,原來維港癲噹開心村是跟非牟利機構BEYOND VISION PROJECTS (www.beyondvision.asia) 合作,加入了多感官元素轉化不同造型的癲噹成為「觸感圖」,讓視障人士能透過指尖「看見」可愛的癲噹,更加上海風和海浪聲,和透過接觸實體的癲噹,達到全方位4D享受,令視障人士確切感受癲噹帶來的歡樂。

有幾個打卡位,Laurie特別鍾意,想同大家分享!第一個當然是位於村口、舉高雙手的超巨型癲噹貓村長和阿讚貓,巨型肉球真係好得意、好治癒!第二個一定要影的就是模仿丹麥哥本哈根的美人魚,擺出性感又可愛的姿勢博大家一笑的癲噹美人魚,一定可以醫好大家的「旅遊渴求症候群」。

每逢返工、去街等車時,好多時都會泛起「如果班車準時就好!」的念頭,永遠不會脫班的小巴一定很想要吧!癲噹小巴和小巴站能做到「零脫班」,無懼風雨在荃灣海濱恭候大家上車!

如果大家都想趁假期去呢條香港獨有的「維港癲噹開心村」逛逛,感受癲噹和阿讚貓的治癒心靈,發放開心正能量的魔力,就記得快啲安排時間啦!

作者:Laurie Wu(愛保健愛旅遊愛購物的熟女)

lohaslaurie@gmail.com

關鍵字

最新回應

熱門文章