華仔想原班人馬拍喜劇

劉德華（華仔）、何啟華（Dee）、林家熙（Locker）、黃愷傑、許恩怡前晚（13日）為電影《焚城》謝票，雖然掛3號風球，但一眾演員仍風雨不改，身穿《焚城》T恤到戲院與觀眾近距離接觸。鄭秀文（Sammi）更驚喜現身謝票場，對好友華仔的演出讚不絕口。

華仔最近忙於巡唱，仍走足3間戲院5個場次謝票，他呼籲大家入場支持新生代演員，自己未知會否再謝票，要問電影公司。有觀眾問到一班新晉演員與華仔合作的感受，阿Dee表示遺憾跟華仔沒對手戲，現場有人建議相約合作拍另一部戲。
《焚城》票房超過2000萬，Dee坦言覺得幸運又開心，相信票房會繼續更加好，並謂該片拍攝並不容易及成本不少，所以大家睇完一次不夠可再次入場再睇；黃愷傑認同觀眾要入場睇幾次，自己則入場睇過5次，每次感覺都不同，很多細節可回味，也笑言跟華仔有同場演出，睇到對方的專業，從而學到很多；許恩怡就表示開拍前幸好有圍讀，適逢拍攝期間剛考到車牌，最後一場戲拍駕車戲，旁邊有飾演其爸爸的華仔。
紅館騷預咗歌畀阿Dee
對於下月舉行演唱會香港站，華仔表示完成金雞電影節活動會閉關準備，阿Dee笑言自薦做嘉賓，華仔即搞笑謂：「預咗首歌畀你！」當問到預備哪首歌，華仔笑謂：「仲使我講？」提到內地巡唱接二連三險生意外，華仔表示香港站一定會謹慎準備，每次演出都謹慎，只是有時太開心而掉以輕心。談到雖則香港站演出20場，但有不少歌迷仍未能成功搶飛，華仔坦言沒時間再加場，除非不休息，但過往以來也是開20場、很少加場。至於會否呼籲香港粉絲不要好似台灣開演唱會時、被觀眾將演出片段放上網？華仔表示難以避免，很多人未必能入場睇，所以不太介意。談到可想原班人馬拍《焚城》part2，華仔笑言可拍喜劇版，Dee即笑謂全港中「福氣」笑不停。
當眾人分享期間，神秘嘉賓鄭秀文突然現身，原來她知華仔難得謝票，特意前來捧場，兩人開心擁抱，其實Sammi日前已發文分享自掏腰包入場撐該片，前晚更驚喜現身謝票場，她大讚：「入面有好多訊息，好滿意，好滿意華仔你嘅演出呀！」又點名大讚阿Dee的表現。對於好友突然現身加持，華仔笑指有點緊張，阿Dee就驚喜到目瞪口呆。