Jeremy被指升呢 唔在意排名

MIRROR成員李駿傑（Jeremy）昨日出席活動，對於被指在隊中排行升呢、踢走上弦柳應廷（Jer），Jeremy表示毫不知情亦不相信，否認與對方同場尷尬，又指兩人用同一個化妝間更一齊打機，只是不同組所以少交流，更表示排位從出道開始講了6年，不會在意，「好感恩大家俾好多機會我，不過咁多機會之下，大家覺得我好似升咗呢，如果我要因為排位唔開心，就唔會好似𠵱家咁努力，排位只係外界睇法，係咪咁care呢個排名？我又覺得唔係，因為呢個排名會影響自己，咁不如努力啲做好自己。（不怕Jer失落？）佢唔會啦，點會爬到佢頭？」
另外，早前到日本演出被指執三攤，Jeremy表示沒聽過，無論自己排第幾、都感恩有這次機會，第一次去日本演出不容出錯，認為自己做得好，MIRROR都會一齊好。