甘比開心做「現代月老」

劉鑾雄太太陳凱韻（甘比）昨日攜長女劉秀樺亮相潮流綜合店USAGI SELECT，鍾情鈎織玩意的甘比，身穿親手鈎織的背心亮相，她透露有客戶要求鈎織Magic Heart，親解款式大受歡迎背後的有趣故事。

甘比笑言半小時已織好身上的背心，但手執小丸子的服裝則不用10分鐘就織完，她透露有客戶要求鈎織Magic Heart更大受歡迎，「點解咁受歡迎？因為有個年輕人買咗Magic Heart之後識到個男朋友，跟住佢要求我整多個送畀妹妹，兩個星期之內妹妹又識到男朋友！自此之後改咗個名叫Magic Heart，我啲同事都搶購！（成功識另一半？）我唔透露啦！」當笑指她變成現代月老，甘比笑言都開心，亦有教導女兒鈎織，不過幼女秀兒較喜歡鈎織，反而長女喜歡整陶瓷。問到長女可需要Magic Heart？她笑說：「唔需要住！（覺得幾時需要？）我都唔知，陣間問下佢先。（唔捨得？）我都唔知，佢喺度我唔夠膽講。」
老公劉鑾雄感驕傲
甘比又指幼女很有創意，鈎織任何款式也喜歡，並謂開設鈎織店的初衷是Happy Young，現今不少人都喜歡鈎織，希望宣揚這文化，會開班教到好夜。問到老公可會投訴？甘比笑言老公反而覺得驕傲，雖然老公以前常要求鈎織物品給他，但織完就變成鋪塵便收起。談到不少港人北上消費，甘比坦言希望大家到北上外出消費之外，都不忘留港消費。
談到聖誕節可有計劃？她表示暫時未有，但不時都會跟好友鍾楚紅和鄭秀文（Sammi）聚會。至於早前她參與演出短劇，被問可有興趣再演出？甘比笑言有人搵都會考慮，女兒亦有睇過短片，通常都讚，跟老公劉鑾雄就通常不會講這類話題。