靚湯馬明浪漫遊韓 網民估好快有喜訊

湯洛雯（靚湯）與馬國明自婚後就經常放閃，早前兩人在東京出席完蔣家旻與電視台高層周永基的婚禮後，馬明隨即與靚湯及其家人一起到韓國濟州島旅行。靚湯昨日（12日）在社交網大晒今次韓國之行的靚相，除了有風景相外，兩公婆更一起睇煙花，非常浪漫。
不過比起旅行靚景，最吸睛還是馬生馬太的合照，相中兩人除了像連體嬰般攬住黐到實外，其中一張靚湯更錫錫馬明甜到暈，而獲老婆送吻的馬明就擺出一副冧爆樣，搞到倪晨曦、唐詩詠等好友紛紛留言讚「Sweet Sweet」，不少網民亦留言表示「看見愛情」，又笑指看完照片感覺兩人好快有喜訊。