票房衝破3,000萬 《飯戲》長老落區繼續谷

賀歲片《飯戲攻心2》已衝破3,000萬港元票房，昨日（22日）「飯團」長老胡楓（修哥）、羅蘭、黎彼得、「堂細佬」胡子彤及導演陳詠燊到戲院謝票，與觀眾近距離接觸，大玩有獎遊戲，送出開運風車以及簽名海報，並宣布長者免費睇《飯戲攻心2》的優惠。
修哥表示：「各位老友記好唔好睇啊？這部戲是導演的誠意之作，開拍前經過深思熟慮，現在成績都非常之好，成為農曆新年期間賣座冠軍之作。」修哥更提到新年期間有仔女、孫、曾孫們來拜年，亦有派出大利是，大家都好開心。謝票過後，眾人一齊到觀塘及新蒲崗「落區」向市民大派開運風車，市民紛紛從「飯團」三大長老手上接個風車，場面非常熱鬧。