預告首唱黃霑封塵20年作品 許冠傑邀兩位Gigi登紅館

歌神許冠傑（Sam）3月將於紅館舉行一連三場《許冠傑最緊要好玩演唱會2024》，昨日舉行記者會，獲過百粉絲支持。Sam一出場即跟粉絲打招呼，更自彈自唱多首歌曲，與粉絲影大合照時，有多位粉絲獻花又獻吻，他均來者不拒，相當友善。
許冠傑去年開了7場紅館騷，今年再開騷，他直言是意猶未盡，要繼續玩、繼續瘋狂，又說未知會否加場，因為其中一個環節會跟兒童合唱團合唱，不能唱太多場次，他說：「𠵱家已經有演唱會流程，亦開始綵排。今年會唱去年無唱過嘅歌，大約會唱50、60首歌，當中有串燒歌。」更預告會邀兩位Gigi來演出：「嘉賓方面會請炎明熹外，仲有本來答應做嘉賓嘅契女梁詠琪，因為上次中招嚟唔到，都會邀請龍婷、兩個兒子同埋許冠文都會嚟。」
憑記憶續寫黃霑歌詞
講到兩個兒子許懷欣、許懷谷的身體情況，許冠傑稱大仔的膀胱癌已經康復，細仔許懷谷亦已經無事，他又希望市民留港消費，透露現時已邊做運動邊唱歌去練氣，今次個唱亦會向兩位已故好友李小龍和黃霑致敬：「黃霑當年寫咗首歌畀我，當時我隻大碟夠歌，一直放喺度廿年無錄到，歌詞好動聽叫《紫信箋》。歌詞一直保存，但唔見咗！只記得第一句歌詞，就係『當年狂哭紫信箋』，其他憑記憶寫返落去，用咗一星期，到時喺演唱會第一次唱。致敬李小龍環節就會唱剛強的歌，當中有《男子漢》同《做個自由人》。」