《造星V》10強互選心水冠軍 KC獨佔6票 被睇高一綫

（星島日報報道）《全民造星V》經過多輪比賽後，10強參賽者經已誕生，將在明晚舉行總決賽，經歷多個月互相陪伴應戰，10強參賽者亦彼此加深了解，問到各人心目中的冠軍，黃家灝（KC）就以6票成為兄弟間的大熱。
選秀節目《全民造星V》的最後10強包括：Nathan、KC、Taco、王鋒、Lyman、亨仔、Tsoul、希晉、Snoopy和Ash，最近他們除了積極備戰，更施展渾身解數積極拉票，雖然他們之間是競爭者，但亦早已建立了感情。訪問當日他們投票互選各人心目中的冠軍、最懶瞓、最貪吃及最污糟人選！
獲6位兄弟投票為冠軍人馬的KC，其實早在節目中的表現已獲好評，不少網民讚佢性格好兼有領導才能，如今連兄弟都撐，再為KC打下強心針。
Nathan樂觀面對
《全民造星V》播出以來，部分參賽者都是非不斷，當中大熱人馬Nathan（魏念恩）在比賽期間經歷女友離世事件，同時又要面對不少負評，不過Nathan就選擇樂觀面對：「比賽可以行到呢一步係意料之外，其實連海選時都無想過可以入圍。面對發生了的事，我覺得我嘅性格比較隨性，唔鍾意自己有唔開心嘅感覺，所以我會成日睇笑話，啲朋友亦都好好，會成日send啲片俾我。」當投最污糟人選時，Nathan被亨仔篤爆經常放屁，而且還要「等齊人」先放，十分搞笑！
Taco自豪有進步
比賽期間，各參賽者除了要兼顧自己的表演項目，亦要配合工作人員和製作單位的安排，問到誰被幕後人員投訴得最多？大家都異口同聲表示自己好乖。而一向率直的Taco卻突然自爆：「我成日俾人鬧唔交嘢、冇交帶，又會俾人話我成日失蹤，因為我WhatsApp係將所有人放入封存狀態，只有屋企人同埋玩音樂嗰啲兄弟置頂，不過最近我係有改進，工作人員都有話幾欣賞我最近嘅表現，哈哈！」當身旁的兄弟都驚訝竟把他們封存時，Taco才急忙解釋：「我第三個置頂Group就係10強Group。」十分搞笑。
被組員選中成為最懶瞓代表的希晉（王希晉）曾經被指隱形，直到現在擁有大批粉絲，他感恩表示：「可能20強先發現有我呢個人，佢哋終於見到我，所以我係開心同埋感動。其實真係未適應，最近見到好多fans出活動支持我，我都想同佢哋有啲交流、影相傾偈，可惜時間有限，但我係真心感激佢哋。」
亨仔呻未有廣告
10強中身形最健碩的亨仔眾望所歸被選為最為食代表！為了這個比賽，亨仔選擇上半年停學參加比賽，問到是否已花光積蓄？有否接job增加收入？亨仔：「我上半年停咗學，完咗比賽下學期應該會回復上課，廣告方面就暫時一個都未有，我都係交返俾好多廣告嘅Taco講！」Taco立即接棒表示：「我嘅工作多數都係關於音樂方面，呢個節目會令到我哋多咗唔同範疇嘅工作，積蓄就一早用晒，食緊樹皮，多謝！」