犯太歲是非纏身 姜濤坦言開始信風水

（星島日報報道）姜濤昨日到商台接受Do姐節目《口水多過浪花》訪問，引來半百名「姜糖」到場（粉絲暱稱），其中一位只得9歲的「小姜糖」表示趁放暑假跟住媽媽去「追星」。姜濤下車時一直保持微笑，雖然他進入了商台的大堂內等候電梯，但他也表現友善跟玻璃門外的粉絲揮手打招呼及鞠躬，更有粉絲隔住玻璃門大叫話姜濤瘦咗！
對於今年的是是非非，屬兔的姜濤自爆開始信風水：「風水真係幾靈，今年犯太歲好應，一來受傷，二來好多是是非非，係5年嚟最多是非嘅一次。」對於早前與化妝師傳緋聞，姜濤坦言：「報道點講我唔緊要，但會影響到無辜嘅人，我就覺得好對唔住大家，感到好內疚。我入得呢一行，某方便係預咗嘅，我份人工包埋嘅，藝人係冇私生活可言，我好明白呢個道理。」