鄧炳強臨別錄音寄語：勉同袍齊護香港

（星島日報報道）獲新任命的警隊「一哥」鄧炳強，昨以保安局局長身分向警隊同袍發道別的錄音流出，鄧開場即指自己懷着萬般不捨離開工作三十四年的警隊，最大遺憾無法與同袍正式道別，但強調加入警隊是他一生中最大成就，「所有快樂、哀傷同埋榮譽，都係同警隊同在。」雖然他換了新使命，但仍會守護香港，一齊為明天更安全的香港奮鬥，相信新任處長會令香港繼續成為最安全城市之一。
該段錄音長約三分鐘，鄧炳強指「估唔到新嘅使命嚟得咁突然，要離開工作咗超過三十四年嘅地方」，回望當日入學堂、加入O記、在槍林彈雨下工作、話別同期「無味神探」陳思褀先生，到有幸擔任處長，「所有快樂、哀傷同埋榮譽，都係同警隊同在。」

鄧又指警隊工作可能會經歷生死，無人可預知下一秒，故更加要把握每分每秒去實踐理想。「我哋唔知危險幾時出現，但係我知道一旦危險出現，我哋就會無畏無懼咁守護我哋嘅城市同埋市民，呢個係我哋三萬人嘅共同選擇！」他又向全體同袍表示選擇加入警隊感到自豪，「要接受同一個挑戰，擁有同一個身分，享有同一樣嘅榮譽。」

鄧續稱：「我哋一齊着過防暴裝打暴動，一齊坐過巡邏車接call，一齊做過雜差去查案，一幕幕嘅畫面都成為昨日美好回憶，今日我換咗一個新使命，但仍然喺同一藍天下，一齊守護香港，一齊為明天更安全嘅香港奮鬥。」

最後，鄧指相信新任「一哥」蕭澤頤會帶領警隊再創高峰，令到香港繼續成為全世界上最安全城市之一。

就警務處原處長鄧炳強升任保安局局長，由原副處長（行動）蕭澤頤接任警務處處長一職，警察員佐級協會主席林志偉代表協會祝賀兩位在警隊內外深得人心的長官獲晉升，在更高的位置為廣大香港市民服務。

林志偉說，對於政府知人善用，用人唯才的選賢任能標準充滿信心。在過去止暴制亂及配合抗疫工作期間，警隊在兩位長官的領導下上下同心，排除萬難，為香港回復穩定奠定基礎。兩位長官過去的表現不負警隊忠誠勇毅，心繫社會之名。他期待在新任保安局局長及警務處處長的領導下， 香港社會會更趨繁榮和穩定。