石禮謙撐獨立調查
2019-10-31 00:00
石禮謙接受《經濟一周》訪問時,談到對已撤回的《逃犯條例》的看法,表明並不支持,「你問我個人支唔支持?我個人係唔支持,但係我係建制派,我個人盡咗能力,將四十六項(涵蓋罪行)一路咁去減」,「我都係一個建制派,要社會安定、矛盾減少」,又比喻特首是將軍,建制是聽命的士兵。他又闡述反對原因,認為林鄭月娥用「黑洞論」形容中港沒有移交不妥,「這不是一個黑洞,而是一個聖火。聖火話畀我哋聽,我哋香港同內地的法治是不同的。忽然你要將這個洞填咗,普通法、香港法、國家法黐埋一齊,就無咗光燄」,正是自己、大律師公會及三百萬人反對修例的原因。
石禮謙表示,六月九日至今為何反修例運動仍未平息,是源於社會不公義,「(港府)鍾意就改吓例,鍾意就搬吓呢個龍門,嗰個龍門,班後生咪唔高興」,他強調,年輕人並非需要房屋,「唔好用施捨的角度去睇一件事,要用理解的角度去睇一件事,去理解人家的尊嚴,尊嚴係錢買唔到」,同時不認同要用房屋政策解決問題,「五大訴求冇提及到要畀間屋佢,後生仔嘅五大訴求係要公義、公道、公開、公正」,「唔係差人拉咗,就無事發生,唔係《施政報告》畀恩惠就無咗件事」。
石禮謙又重申,事件並非一日之寒,重申社會自佔中後矛盾日生,官員沒有履行職責,港府「無用人之道、無容人之心」,又直言林鄭月娥一隻手指指向現時示威時,也有三隻手指指向自己,笑言林太現時是「connect(競選口號)錯咗變short circuit(短路)」。
他又認為本地教育令港人變得有承擔,並無問題,重申社會應聆聽年輕人意見「而家佢哋出去『行街』,唔好理佢哋黃定藍,黑定係白,佢哋有理想,不管對錯,我哋都要去聽。點樣去聽?就係獨立調查。」
關鍵字
最新回應