網民熱議大班冰皮月餅生存之道！食足35年老本無新意？留言力撐：保持水準最重要

2024-09-15 00:00

臨近中秋，各大商家都紛紛推出各式各樣的月餅。若提到冰皮月餅，相信很多人都會想到大班，因為冰皮月餅正是該公司在35年前的1989年首創，因口味新奇，甫推出已俘虜了不少食客的心。時至今天，冰皮月餅仍是大班的鎮店名物，不過近日卻有網民在社交平台出帖，質疑大班冰皮月餅食足35年老本，似乎新意欠奉，惹來不少網民熱議。

網民熱議大班冰皮月餅「食老本」：咁多年都係一樣味道

大班冰皮月餅曾邀泰臣(翟凱泰)賣廣告。

大班冰皮月餅在35年前的1989年首創。

經典的綠荳蓉口味

網民意見

網民意見：年年都話自己幾咁創新，但唔知新咗啲咩，啲廣告仲要又尷又老土。

網民意見：咁多年都係一樣味道，又係咁既樣。放生果/雪糕入去就不如直接食生果/雪糕。

網民意見：就係咁多年都keep到綠豆蓉好味，放生果/雪糕入去同直接食生果/雪糕兩樣野喎。

網民意見：佢個味道冇一間做到接近，仲講創新，大把食肆食老本做左幾廿年仲係賺大錢。

網民意見：根本做生意唔係話創新先有運行，現實係佢只要保持水準同好食，唔創新都大把人買。冰皮真係佢隻原味蛋黃綠豆蓉最好食。其他個啲所謂「創新」老實講都係畫蛇添足。

網民意見：講起冰皮月餅你會諗起大班，呢樣野已經好成功。

網民意見：細個得傳統月餅揀，勁難食又漏，邊有依家紅豆、抹茶、奶黃、芋泥咁多款式，嗰陣大班冰皮係好創新，我仲記得個廣告。」

網民意見：糯米糍有幾創新？

網民意見：如果佢個名冇咗月餅兩個字咁創新在邊度？

網民意見：冰皮月餅個外觀同餡料同傳統月餅一樣都係實既，糯米糍係淋，兩樣野黎

網民意見：綠豆蓉已經唔係月餅啦，佢係用緊「月餅」個名賣甜品姐。

網民意見：不論當唔當月餅，係真係幾好食，當甜品個觀感fit曬。

網民意見：當飯後甜品食，未到中秋就食哂。

網民意見：當年大斑出個時都比人睇死。依家一年只做幾個月夠一年人工。

近日有網民在連登討論區以「當年大班冰皮既創新，為業界打開左新氣象！但呢個老本的確已經食左35年喇！」為題發帖，暗示品牌新意欠奉，質問「仲可以食多幾多年？」

帖文旋即惹來網民熱議，有人認同樓主說法，認為大班近年的冰皮月餅確實欠缺新意及驚喜，「年年都話自己幾咁創新，但唔知新咗啲咩，啲廣告仲要又尷又老土。」、「咁多年都係一樣味道，又係咁既樣。放生果/雪糕入去就不如直接食生果/雪糕。」

網民：保持水準最重要

不過也有人認為創新未必是好事，能保持水準最重要，「就係咁多年都keep到綠豆蓉好味，放生果/雪糕入去同直接食生果/雪糕兩樣野喎。」、「佢個味道冇一間做到接近，仲講創新，大把食肆食老本做左幾廿年仲係賺大錢。」、「根本做生意唔係話創新先有運行，現實係佢只要保持水準同好食，唔創新都大把人買。」

大班首創冰涼口感月餅

大班在35年前的1989年首創冰皮月餅，因口味新奇，甫推出已俘虜了不少食客的心。

大班冰皮月餅特別受年輕一代歡迎。

大班運用了該公司自行研發的生產技術全球首創冰皮月餅。

朱古力味冰皮月餅

酸奶味冰皮月餅

芝味冰皮月餅

榴槤味冰皮月餅

事實上，提到冰皮月餅，不少人第一時間仍會想到大班，有人認為已很成功，「講起冰皮月餅你會諗起大班，呢樣野已經好成功。」說到大班冰皮月餅的歷史，可以追溯到1989年，當年由大班麵包西餅推出全球首創的「冰皮月餅」，其創新之處在於運用了該公司自行研發的生產技術，有別於傳統廣式月餅油膩及過甜等口味，冰皮月餅吃來口感冰涼清爽，甫推出即深受食客尤其是年輕一代歡迎，自此成為大班的招牌產品。其冰皮月餅口味也由早期的綠荳蓉，至後來的芒果、朱古力、焦糖及榴槤等等，選擇頗多樣化。

資料及圖片：連登討論區、星島圖片庫、大班官方網頁