網民轟黃大仙酒樓刻意落貴單？港人怒斥點$698套餐出錯餐埋單過千店員拒退款：食之前你唔出聲？

2023-09-21 00:00

酒樓出錯餐，食客卻只能「硬食」貴單？最近有港人發文，分享在黃大仙一間酒樓用餐時的不快經歷，她指落單點了一份$698套餐，怎料結帳時卻被要求付過千元，轟店員故意「落貴單」，向對方投訴卻被拒絕退款，反怪責食客：「食之前你唔出聲？」事主只能無奈「硬食」，掀起網民激烈討論！

網民轟黃大仙酒樓刻意落貴單？港人點$698套餐出錯餐埋單過千
即睇事件經過

港人怒斥黃大仙酒樓刻意落貴單即睇事件經過

有港人近日與數位親戚到黃大仙一間酒樓用膳

向店員點了B餐晚市套餐價錢為$698

豈料在結帳時店員卻稱要收取過千元！

事主感奇怪問：張單點解咁貴？對方卻冷靜回答：你食咗喇喎！

事主翻看電子帳單

卻發現帳單「居然係A餐！」但是手寫單上卻是寫上套餐B

寫單上卻是寫上套餐B（圖片來源：FB@飲食黑店大全 (全港食店質素/價錢/服務關注組）

套餐A價錢為$998 兩者相差300元加上加一服務費埋單收$1187！

事主點的$698套餐B有「金湯焗珍寶蝦球伊麵」以及「清蒸生猛虎杉斑」，至於$998套餐A則有「上湯焗龍蝦伊麵」及「清蒸游水海星斑」，其他小菜一式一樣。（圖片來源：FB@飲食黑店大全 (全港食店質素/價錢/服務關注組）

事主：我叫B餐你手寫枱單都係B餐仲寫埋價錢 $698 你地落單就A餐？！

事主：趁住全枱老人家傾計無留意你地就可收多$300？

店員：你無留意條魚唔同？食之前你唔出聲？

店員：而家你食完你享受完咪當同老人家食餐豐富d囉

事主：套餐A B最大差別只係龍蝦同魚其他小菜完全一樣

事主：老人家掛住傾計留意唔到

事主：好明顯係刻意落個貴餐收貴幾百蚊！

有網民近日在Facebook群組「飲食黑店大全 (全港食店質素/價錢/服務關注組)」發文，怒斥黃大仙一間酒樓「不良銷售，呃老人家」，事源最近與數位親戚到酒樓用膳，向店員落單價值$698的B餐晚市套餐，她補充：「（B餐）夠晒5個長者和工人姐姐食。」

豈料在結帳時，店員卻稱要收取過千元，事主感奇怪，問「張單點解咁貴？」對方卻冷靜回答「你食咗喇喎。」事主翻看電子帳單，卻發現帳單「居然變咗A餐！」但是手寫單上卻是寫上套餐B。套餐A價錢為$998，兩者相差300元，加上加一服務費埋單收$1187！

事主據理力爭，追問店員：「我叫B餐，你手寫枱單都係B餐，仲寫埋價錢 $698，你地落單就A餐？趁住全枱老人家傾計，冇留意食咗，你地就可（收）多$300？」但是對方卻「充滿自信」地稱：「你冇留意條魚唔同？食之前你唔出聲？而家你食咗，你享受咗，咪當同老人家食餐豐富啲囉……」並拒絕退款。

事主強調，套餐A與套餐B的最大差別只是龍蝦及魚，其他小菜完全一樣，又指當時自己沒有察覺上錯餐「老人家掛住傾計，留意唔到」，埋單之時感被劏，卻只能無奈「硬食」。事主更直指對方是慣犯：「好明顯係刻意落個貴餐，收貴幾百蚊！」認為做街坊生意，最緊要老實。

網民轟黃大仙酒樓刻意落貴單？網民兩極：蝦球同龍蝦都分唔到？VS 唔係食客責任！

有一方網民認為事主在用餐時已經發覺「上錯貴餐」，只是沒有出聲提醒員工；不過亦有網民認為出錯餐的責任不應推卸給食客

網民：蝦球同龍蝦都分唔到？

網民：食完先發覺？

網民：侍應入錯A餐跟住上錯龍蝦星斑老人家諗住著數唔出聲之後唔肯埋單

網民：嚟錯就應該出聲唔係照食無理由蝦同龍蝦都唔識分

網民：上枱都識分龍蝦同蝦喇掛你唔出聲嘅？

網民：貪心諗住酒樓畀錯餐唔出聲

網民：有咁多證據落單係B餐咁呢個落錯A餐係食肆酒樓嘅責任並唔係食客嘅責任！

網民：我其實唔明白點解個客有責任要識分

網民：如果要話個客唔覺有分別咁點解唔問由落單廚房到出菜上菜都唔識分？

網民：個侍應出錯就侍應食廚房出錯就廚房食

網民：其實正常應該要落單侍應食番條差價先合理

網民：係間酒樓錯上菜前無理由唔知係出錯菜但唔理照出食完錢照收

網民：有心人裝無心人

網民：後輩落單長輩食飯唔通長輩次次都要問你有無叫龍蝦有無叫鮑魚咁呀？！

事後事主深感不忿，指：「離開酒家仲好唔忿氣，亦好唔明究竟落單嗰個錯，定係食嗰個錯」決定發文講述事件經過，並在帖文附上餐牌和單據，讓網民評理。

從事主帖文中的餐牌可見，事主點的$698套餐B有「金湯焗珍寶蝦球伊麵」以及「清蒸生猛虎杉斑」，至於$998套餐A則有「上湯焗龍蝦伊麵」及「清蒸游水海星斑」，其他小菜一式一樣。

對於「落貴單」事件，引起網民熱議，不過態度就兩極。有一方網民認為事主在用餐時已經發覺「上錯貴餐」，只是沒有出聲提醒員工：「蝦球同龍蝦都分唔到？」、「食完先發覺？」、「侍應入錯A餐，跟住上錯龍蝦、星斑，老人家諗住著數、唔出聲、食咗先講，之後唔肯埋單。」、「嚟錯就應該出聲，唔係照食，冇理由蝦同龍蝦都唔識分。」、「上枱都識分龍蝦同蝦喇掛，你嗰時唔出聲嘅？」、「貪心諗住酒樓畀錯餐唔出聲。」

不過亦有網民認為出錯餐的責任不應推卸給食客：「有咁多證據落單係B餐，咁呢個落錯A餐，係食肆酒樓嘅責任，並唔係食客嘅責任！」、「我其實唔明白點解個客有責任要識分，如果要話個客唔覺有分別，咁點解唔問由落單，廚房，到出菜，上菜，都唔識分？」、「出錯餐會唔知？個侍應出錯就侍應食，廚房出錯就廚房食。」、「其實正常應該要落單嗰個人（侍應）食番條差價先合理」、「係間酒樓唔啱！上菜前無理由唔知係出錯菜，但唔理照出，食完錢照收。」、「有心人裝無心人」

網民又認為食客在聊天興起時沒有為意上錯菜都是無可厚非：「後輩叫餸，長輩食飯，唔通長輩次次都要問你有冇叫龍蝦有冇叫鮑魚咁呀」。

記者就事件致電酒樓了解，對方表示負責人正在休假，未能回應事件。