「兩餸飯店有份搞死香港夜晚經濟」 網民反憑4大原因力撐兩餸飯：抵食份量多！
2023-08-20 00:00 
早前疫情當下，要數有甚麼餐廳愈開愈多，其中一樣必數兩餸飯。大約$40-50 便可以歎到，而且款式選擇夠多，即使日日柯打也不怕悶。不過最近有網民於討論區中以「兩餸飯店有份搞死香港夜晚經濟 」為題引起討論，有其他網民則反撐兩餸飯，更列出4大原因支持，立即看看！
「兩餸飯店有份搞死香港夜晚經濟 」 網民發帖惹熱議
有網民近日於討論區中以「兩餸飯店有份搞死香港夜晚經濟 」為題發帖，引起極多人討論。該網民指兩餸飯「呢幾年開到成行成市」、「好影響香港靚嘅經濟尤其夜晚」，更直指因為近年不少市民習慣夜晚買兩餸飯回家、不到餐廳用餐，「連帶商場商店的人流都受影響」。該言論惹來過千個負評，大部份網民都不同意他的講法，更以 4 大原因力撐兩餸飯：
網民力撐兩餸飯原因 1.抵食份量多
有網民認為兩餸飯最大賣點是抵食份量多！在餐廳為了節省成本，縮減菜式份量的情況下，兩餸飯的大件夾抵食成功俘虜了一眾港人的心。有網民指「食兩餸飯平又夠飽，出面啲餐廳貴唔係問題，係食唔飽」，故認為兩餸飯有其存在原因。
網民力撐兩餸飯原因 2.價錢相宜
在這個百物騰貴的年代，有網民指出價錢相宜貼地的兩餸飯就成為他們的醫肚之選。有不少網民指「兩餸飯叫淨餸仲平過去茶記叫個小菜，份量又多」、「餐肉蛋飯加熱飲都$60！仲要一定套餐，俾你你會食兩餸定頹飯」，更用「又平又好食」來形容兩餸飯。
網民力撐兩餸飯原因 3.餐廳不斷趕客
而最引起網民共鳴的原因是坊間餐廳質素下降，才令兩餸飯愈做愈旺。有心水清的網民指出「大部份餐廳都係咁趕客走先係真正死症，為咗做多幾個客，侍應一見你差唔多食完就咁收碟收杯，係差在未出聲叫你埋單」、「好多餐廳垃圾得嚟又食到成肚氣，貼錢買難受」、「坐耐少少都想趕你走咁」。餐廳的服務質素下降，讓網民認為外賣是更好選擇，而價廉物美的兩餸飯自然是他們的首選。
網民力撐兩餸飯原因 4. 質素好過茶餐廳
現時不時都會出現食客投訴茶餐廳食物質素的情況，有網民指出「有冇諗過而家茶餐廳啲嘢愈來愈差，價又識加，食碟楊洲炒飯，十間個味都唔同」、「啲餐廳煮得難食，平極都收6-70蚊」、「出面啲餐廳收費又貴，服務又差，叫個碟頭飯汁多餸少，叫人點幫襯？」，故有網民認為兩餸飯的質素較茶餐廳好。
資料來源：連登討論區
同場加映：韓國廚神白種元嘗兩餸飯 大讚食物好吃有家的感覺 唯一樣地道菜不及韓國好食?!
《星島頭條》APP經已推出最新版本，請立即更新，瀏覽更精彩內容： https://bit.ly/3yLrgYZ
最新回應