李辰安 - 淮南菜乜有深水埗口味？｜辰來之筆

小馬哥（馬英九）又掀起旋風，去到南京，即時令國際美食家關注到淮南菜，連我也為之動容，幾時搭高鐵去食餐好？

南京名菜海參燉生敲

馬英九到訪南京。

馬英九前往南京中山陵謁陵，並題字留念。

太湖三白。

海參燉生敲是南京名菜。

太湖三白是指白蝦，白魚和銀魚。

馬英九曾參觀南京中山陵 。

馬英九訪中山陵後，接受媒體聯訪。

馬英九拜謁南京中山陵。

小馬哥（馬英九）去到南京， 即時令國際美食家關注到淮南菜。

馬英九攜家人在湖南祭祖。

黃昏天氣好好，唔暖唔寒，令人精神振奮，大家把杯言歡，講開年過七十之小馬哥，不免談論一番。「小馬哥都算有型，去大台做性格演員，扮集團揸Fit人都可以。」我開心Order一支有氣葡萄酒，可以開胃消滯。「安仔，你都九唔搭八，乜嘢揸Fit人，唔識唔好發謬論。」大師兄，讚佢有型都唔得？算啦，都係講小馬哥在當地品嘗淮南菜，「嗱嗱嗱，金陵花膠翡翠包、蘆香菌菇火鴨蝦、明月海參燉生敲、碧綠鳳梨秘製骨、帶子京葱焗豆腐……全部未試過，聽到未聽過，大家想唔想試下。」

張翁馬上上網，佢話可以去深圳或者廣州轉乘高鐵去南京，八個鐘頭多啲。銀行偉話，唔怕啦，有好嘢食，幾遠都去。「你知啦，三年疫情，香港名菜做得起係兩餸飯、三餸飯，真係想出去行一行。」我就話近年最大發現係深水埗，原來變成年輕人美食天堂。吾生也晚，今時今日先至知道深水埗連塊豬膶都好食過人，大把人排隊，就係為咗一碗有靈魂之豬膶即食麵。「嘩，你啲對白咁有王大導Feel嘅，你都算有文化，又有鬼才，不如搞深宵美食啦，好過寫網絡小說，反正你都無動筆，搞美食定係拍視頻，一坐低就可以講餐飽，如果你受歡迎，有一、二百萬『粉絲』Follow，你唔使返工，去深水埗打躉都得啦。」

張翁，我係唔好意思話你九唔搭八，之不過要我去深水埗發展，似乎係張冠李戴，我點可以吸引百萬「粉絲」？不過你去開Live，講下投資之道，又或者如何養生同享受人生好過啦，好少有你呢種有錢人出嚟現身說法。大師兄話葡萄氣酒幾好味，飲下飲下好想食嘢。

上網一查，「海參燉生敲是南京名菜，燉生敲具有三百年的歷史。傳統製法是將鱔魚活殺去骨，用木棒敲擊鱔肉，使肉質鬆散，故名生敲。」明白，呢種手藝先至係值得推介，至於帶子京葱焗豆腐，憑我想像，香港師傅都識做啦，不過，京葱可以改薑葱，咁就Very Good。「世侄，淮南菜一般都偏甜，廣東人未必Like，所以下次搵酒樓老闆度下，改一改小馬哥之淮南菜，變成地道粵式，咁就有得諗。」

深水埗口味即係人情味
 

我想問，可不可以改成「深水埗口味」呢，潮流興噃。「安仔，你真係想去深水埗搵食呀，九咁搭八，深水埗有乜口味？你講畀大家知。」好易啫，大師兄你梗係好少上網睇片，深水埗口味即係人情味，又代表一種堅持，幾十年風雨不改做好一味，材料日日新鮮，手藝不求精益求精咁浮誇，但求十年如一日保持同樣水準……下刪三千字。當然，我無繼續講落去，費事話我唔尊敬兄長輩啦，之不過，你真係好似同個年輕人世界脫節咁噃。

仲有一味淮南菜太湖白，取材自「太湖三白」，即是太湖三種白色河鮮，分別是白魚、銀魚和白蝦。咦，有得諗，粵菜有白飯魚、九肚魚，加埋基圍蝦，都可以叫做粵式三白。「安仔，邊度係三白呢，你可以叫三鮮。」大師兄，你確係九唔搭八，三白變三鮮，音韻全失，失去晒噱頭，好啦，我都費事同你講咁多，飲一杯清甜白酒，諗下一陣可以去邊度食飯。
「世侄，你度美食都有橋，不如搵日同酒樓老闆交流下，搞幾個新派港菜。」都好噃，大家動下腦筋，飲杯！
 

《星島申訴王》於3月1日隆重登場，節目為民請命抱不平、追蹤城中熱話，亦會搜羅溫情小故事。你申訴，我跟進，搵91999933，《星島申訴王》隨時候命！
立即報料：https://bit.ly/3IMunqd
你的獨家報料一旦被採用及報導，將獲得乙份獎品。

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ