李辰安 - 辛酸部隊鍋｜辰來之筆

酒友好有興致，問飲完黃昏酒，好唔好去食韓國料理？我無所謂，但都要問點解，韓國嘢有乜好食？今日好好天，天氣好適宜行山，如果唔使返工，走去西貢半日遊，再返嚟中環飲酒暢聚，咁就Very Good啦。

「安仔，你早講啦，我都可以放大假陪你去西貢，好天氣唔好嘥。」張翁就話，係就集體行動，如果銀行偉OK就預埋佢，唔係就三缺一都無問題。「辰哥你吹雞，我都想行開下，呢排生意難做，個市又悶，其實我都想轉行，銀行份工唔係咁好做。」

韓國部隊鍋是著名料理。

鄧紫棋(G.E.M.)也愛吃部隊鍋。

韓國料理在港大受歡迎。

韓國餐前小食也很出名。

韓國部隊鍋材料豐富。

韓國部隊鍋材料豐富。

韓國另一名食石鍋飯。

韓國部隊鍋和餐前小食。

韓國小食豐富滋味。

韓國燒肉同樣受歡迎。

韓國人參雞湯滋味可口。

韓國女廚的巧食甜品。

台灣短缺雞蛋 外島軍人食無肉
 

我見話題有啲灰灰地，即時搞下氣氛，建議大家飲一Round德國啤酒，食下炸洋葱圈。「偉哥，你喺銀行界都搵埋唔少啦，依家兩地通返晒，大把機會，諗下第二瓣都好。」大師兄，有乜好搵過銀行呢，你估銀行偉係甜筒輝，雙碩士唔撈獅子銀行，跟咗星爺做喜劇之王？佢年紀唔細。「辰哥，我有一個夢想，手上有多少本，可以日日炒下炒下過日辰，夠皮就得，如果可以想做YouTuber，朝頭早開咪講下財經，同網友分享投資心得，平日去西貢行山，有機會做義工。」

大家飲到有三成酒意，我忽然覺得銀行偉原來都唔係咁市儈銅臭，在中環打滾多年，依然保留一顆清純如玉女的心。「世侄，你想講乜？」早幾年，台灣有部電影好影響後生仔，尤其是港女們，個個都話想去台灣開家手沖咖啡館，一邊望海一邊沖咖啡。「港女，即香港女生之簡稱，係一個中立無貶義之稱呼，當然，你可以話港女代表無乜深度之都市女性，無深度唔代表無智慧，只係代表靈活善變，唔會死牛一面頸。」大師兄又係嗰句︰「安仔，你都九唔搭八，講到無厘百丈遠，唔好飲咁多。」

銀行偉話，台灣依家唔係大家想像中咁小確幸，你去海邊開咖啡館，不如返大灣區賣港式奶茶好過。「依家台灣生活水平唔多好，連雞蛋都短缺，聽講連外島軍人三餐都食無肉，日日食泡麵同罐頭。」吓，又無雞蛋賣？同美國、英國、日本好相似，點解呀？「說來長篇，從全球氣候變暖，導致多地又爆發禽流感開始，到歐洲有俄烏戰事造成飼料不足，加上全球海運物流依然未回復正常，台灣本土又無法自給自足，市民又恐慌性屯積關係，於是……」
 

韓部隊火鍋 原是美軍棄糧煮成
 

大哥，唔好講咁多，香港雞蛋有無供應問題先，如果係就要去超級市場入貨，其餘免談。「暫時未有問題，但無人可以保證，因為近年有太多黑天鵝，香港係七百幾萬人高度人口集中之彈丸之地，有小小事卡住，會造成大家想像唔到之後果。
大家又飲多一Round啤酒，今次都有六成酒意，都要休息下先。講開又講，點解有人提議今晚食韓國料理，是否有團購大折扣，還是有新店開張，大家試新嘢？「唔係噃，只係想去試下韓國名菜部隊火鍋，依家全球火紅，紅過重慶火鍋。」上網望下乜料，原來上世紀五十年代朝鮮戰爭期間，美軍駐韓部隊供應充足、豐衣足食，食物多到要丟，韓國大兵就連蛋同罐頭都無得食，於是去執美軍垃圾筒，執埋執埋都有唔少火腿同香腸，於是加韓國辣醬，泡菜同豆腐、芽菜，一鑊熟，酸甜苦辣樣樣齊，後來成為韓國名菜。

我想講，不如都係食麻辣火鍋。「我又唔係韓國人，點解畀錢去憶苦思甜，再唔係，去潮州巷打冷咪幾和味。」大家無反應，唯有順從民意，等陣去食韓國名菜。

 

《星島申訴王》於3月1日隆重登場，節目為民請命抱不平、追蹤城中熱話，亦會搜羅溫情小故事。你申訴，我跟進，搵91999933，《星島申訴王》隨時候命！
立即報料：https://bit.ly/3IMunqd
你的獨家報料一旦被採用及報導，將獲得乙份獎品。

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ