李辰安 - 辛酸部队锅｜辰来之笔

酒友好有兴致，问饮完黄昏酒，好唔好去食韩国料理？我无所谓，但都要问点解，韩国嘢有乜好食？今日好好天，天气好适宜行山，如果唔使返工，走去西贡半日游，再返嚟中环饮酒畅聚，咁就Very Good啦。

「安仔，你早讲啦，我都可以放大假陪你去西贡，好天气唔好嘥。」张翁就话，系就集体行动，如果银行伟OK就预埋佢，唔系就三缺一都无问题。「辰哥你吹鸡，我都想行开下，呢排生意难做，个市又闷，其实我都想转行，银行份工唔系咁好做。」

韩国部队锅是著名料理。

邓紫棋(G.E.M.)也爱吃部队锅。

韩国料理在港大受欢迎。

韩国餐前小食也很出名。

韩国部队锅材料丰富。

韩国部队锅材料丰富。

韩国另一名食石锅饭。

韩国部队锅和餐前小食。

韩国小食丰富滋味。

韩国烧肉同样受欢迎。

韩国人参鸡汤滋味可口。

韩国女厨的巧食甜品。

台湾短缺鸡蛋 外岛军人食无肉
 

我见话题有啲灰灰地，即时搞下气氛，建议大家饮一Round德国啤酒，食下炸洋葱圈。「伟哥，你喺银行界都搵埋唔少啦，依家两地通返晒，大把机会，谂下第二瓣都好。」大师兄，有乜好搵过银行呢，你估银行伟系甜筒辉，双硕士唔捞狮子银行，跟咗星爷做喜剧之王？佢年纪唔细。「辰哥，我有一个梦想，手上有多少本，可以日日炒下炒下过日辰，够皮就得，如果可以想做YouTuber，朝头早开咪讲下财经，同网友分享投资心得，平日去西贡行山，有机会做义工。」

大家饮到有三成酒意，我忽然觉得银行伟原来都唔系咁市侩铜臭，在中环打滚多年，依然保留一颗清纯如玉女的心。「世侄，你想讲乜？」早几年，台湾有部电影好影响后生仔，尤其是港女们，个个都话想去台湾开家手冲咖啡馆，一边望海一边冲咖啡。「港女，即香港女生之简称，系一个中立无贬义之称呼，当然，你可以话港女代表无乜深度之都市女性，无深度唔代表无智慧，只系代表灵活善变，唔会死牛一面颈。」大师兄又系嗰句︰「安仔，你都九唔搭八，讲到无厘百丈远，唔好饮咁多。」

银行伟话，台湾依家唔系大家想像中咁小确幸，你去海边开咖啡馆，不如返大湾区卖港式奶茶好过。「依家台湾生活水平唔多好，连鸡蛋都短缺，听讲连外岛军人三餐都食无肉，日日食泡面同罐头。」吓，又无鸡蛋卖？同美国、英国、日本好相似，点解呀？「说来长篇，从全球气候变暖，导致多地又爆发禽流感开始，到欧洲有俄乌战事造成饲料不足，加上全球海运物流依然未回复正常，台湾本土又无法自给自足，市民又恐慌性屯积关系，于是……」
 

韩部队火锅 原是美军弃粮煮成
 

大哥，唔好讲咁多，香港鸡蛋有无供应问题先，如果系就要去超级市场入货，其馀免谈。「暂时未有问题，但无人可以保证，因为近年有太多黑天鹅，香港系七百几万人高度人口集中之弹丸之地，有小小事卡住，会造成大家想像唔到之后果。
大家又饮多一Round啤酒，今次都有六成酒意，都要休息下先。讲开又讲，点解有人提议今晚食韩国料理，是否有团购大折扣，还是有新店开张，大家试新嘢？「唔系噃，只系想去试下韩国名菜部队火锅，依家全球火红，红过重庆火锅。」上网望下乜料，原来上世纪五十年代朝鲜战争期间，美军驻韩部队供应充足、丰衣足食，食物多到要丢，韩国大兵就连蛋同罐头都无得食，于是去执美军垃圾筒，执埋执埋都有唔少火腿同香肠，于是加韩国辣酱，泡菜同豆腐、芽菜，一镬熟，酸甜苦辣样样齐，后来成为韩国名菜。

我想讲，不如都系食麻辣火锅。「我又唔系韩国人，点解畀钱去忆苦思甜，再唔系，去潮州巷打冷咪几和味。」大家无反应，唯有顺从民意，等阵去食韩国名菜。

 

《星岛申诉王》于3月1日隆重登场，节目为民请命抱不平、追踪城中热话，亦会搜罗温情小故事。你申诉，我跟进，搵91999933，《星岛申诉王》随时候命！
立即报料：https://bit.ly/3IMunqd
你的独家报料一旦被采用及报导，将获得乙份奖品。

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ