港女買台式飲品發現「不明器皿」　疑為搖奶茶工具？店家冷淡回覆：可以還返畀我哋

2023-03-13 00:00

口罩令解除後，相信大家掃街買手搖飲品，邊行邊飲的意欲大增！最近就有網民發文指自己早前在旺角中心的一間台式飲品店購買了手搖飲品，飲完卻發現杯底有不知名器皿，令她大感驚訝，事後向客服反映，卻獲對方冷淡回覆。網民猜測該器皿應為店家搖奶茶工具，直言：「搖奶茶個蓋都跌得？」

買台式飲品發現「不明器皿」　反映卻獲店家冷淡回覆

事主早前在飲用台式飲品時發現「不明器皿」。（圖片來源：FB @ 「中伏飲食報料區」）

疑為搖奶茶工具。（圖片來源：FB @ 「中伏飲食報料區」）

事後向客服反映，卻獲對方冷淡回覆。（圖片來源：FB @ 「中伏飲食報料區」）

對方未有就事件致歉，反叫她歸還器皿。（圖片來源：FB @ 「中伏飲食報料區」）

事主購買了3杯手搖飲品。（圖片來源：FB @ 「中伏飲食報料區」）

事主在Facebook群組「中伏飲食報料區」分享買手搖飲品中伏經歷，她指自己早前在旺角中心的一間台式飲品店購買了3杯手搖飲品，當她飲用其中一杯時，意外發現「入面有個不知名器皿。」從圖片可見，該不明器皿為膠製器皿。事主直呼：「咁算唔算中伏飲食?」

事主事後向店家客服反映事件，但是對方未有就事件致歉：「CS（客服）連一句sorry（道歉）都冇」只是表示會免費送贈一杯飲品。不過當事主問到如何處理該器皿時，店家竟表示「可回給他們」事主無奈表示：「其實冇諗住搲（意指攞著數）佢賠返杯飲品，想話佢地知有咁情況，同埋睇下會唔會要返舊嘢。」又表示：「都唔諗住去拎嚕，廢事佢哋又加料。」

事主及網民推測該器皿疑是「shaker蓋」，即為店家搖奶茶的工具，事主表示：「我哋諗極都唔明，點解開完蓋又可以倒咗個蓋入杯嘢度。」更表示自己幫店家洗乾淨器皿：「用洗潔精洗咗㗎，仲晾乾咗，茶漬就幫佢唔到喇，不過依家想掉咗佢。」

買台式飲品發現「不明器皿」　網民：搖奶茶個蓋都跌得？

港女買台式飲品發現「不明器皿」網民點睇？

「叫咗奶蓋？佢可能聽咗奶樽蓋」

「搖奶茶個蓋應該係倒個陣跌埋笑死」

「搖杯蓋都可以一齊封口個店員應該好攰喎」

「親，附贈品你還想怎麼樣？」

「嘩個CS唔好意思都無句仲好似交帶下屬咁點你去還返個蓋畀佢地……」

「咁大個蓋都見唔到咁其他污糟邋遢嘅入晒去都唔會知」

「畀著我我真係掉咗佢算」

「太無禮貌喇我嘅話應該唔會還畀佢！」

「你去到佢分店記得順便幫佢拖埋地倒埋垃圾」

「幫佢洗仲要又無禮貌」

「仲要幫佢洗乾淨？樓主你真好人」

「佢嘅回應好似係你拎咗佢間店嘅嘢咁完全唔覺有問題」

「梗係唔畀返佢啦」

「中獎啦！攞返去換獎品……」

事主的經歷引起網民熱議，有網民直指離譜：「應該係倒個陣跌埋？」、「叫咗奶蓋？佢可能聽咗奶樽蓋」、「親，附贈品你還想怎麼樣？」、「搖杯蓋都可以一齊封口，個店員應該好攰喎」

另外亦有人批評店家處理事件的態度：「嘩個CS唔好意思都無句，仲好似交帶下屬咁點你去還返個蓋畀佢地……畀著我我真係掉咗佢算。」、「又唔係老奉要比（畀）返佢，特登過去都要時間㗎！」、「太無禮貌喇，我嘅話應該唔會還畀佢！」、「拎過杯但唔比（畀）返個蓋佢，仲要幫佢洗又無禮貌」、「你去到佢分店，記得順便幫佢拖埋地，倒埋垃圾。」

有人表示根據手搖飲品店鋪正常格局，因店員在同一位置倒飲料，相信因此才無意中放錯該器皿，「又撞色睇佢唔到」亦有人建議向食環署反映事件：「唔好回比(畀)佢，佢想回收證據，直接同佢講：一係賠錢一係報食環！」

圖片來源：FB @ 「中伏飲食報料區」