亨利拆局│練馬師王吼姚本輝

上日蔡約翰奪四十六分獲封練馬師王，乃彩池開辦以來最高得分紀錄，以全日只跑十場來計，成績非常突出。大戰過後，今期戲碼回歸平淡，幾個大倉都未見加強布陣，方嘉柏七路興兵，計馬匹質量算是最似樣。不過姚本輝近期手風大順，年三十晚至今保持勝纜，繼初三捧走賀年盃後，初八再奪香港經典一哩賽，我博佢今次谷戰繼續發威。

第一場「同盟力量」前仗初降五班跑谷草即走近，留意當晚跑道模式不利放頭，本身二疊望空能順放得殿軍，結合上仗轉戰泥地也入位，確認評分有優勢，可為馬房先拔頭籌。

第三場「芙蓉莊」近兩仗都有追勢，八歲馬重現朝氣，剛戰留後遇世紀慢步速，敗績不能作準，今次排檔內移存在向好變數。第五場「太陽拍檔」上仗意外慢閘，繼而中段遇阻墮退，失位嚴重也追回季軍，證明谷草合腳法。第六場「總理」大前仗跑谷草千八，直路走內疊不利地也有追勢，今次配梁家俊可信賴。第七場「有鴻利」在131場次造靚段速贏馬，加分後停滯不前，希望今次配十磅仔有幫助。第九場「金莊令」近仗無論後追或跟前都勝任，唔敢睇小。

目標：姚本輝

賠率：6.5

立即下載 | 全新《星島頭條》APP : https://bit.ly/3yLrgYZ