周末好去處｜昂坪360歲月文具巡禮 參觀東涌海濱社區中心

秋天想吹風，第一時間會諗到登高嘅地方，坐在纜車上睇風景大家覺得如何呢？昂坪360就係一個好正嘅選擇，纜車慢慢升上高空，可飽纜大嶼山海岸綫，輕鬆舒服就可直上昂坪，而最近在昂坪市集正推出「360歲月文具巡禮」，於10月14日至11月20日呢段期間，首度聯乘日本嘅經典文具角色Fueki漿糊仔，打造出高4米嘅漿糊仔扭蛋機，同時仲有好多別具本地情懷嘅懷舊文具，例如鉛筆、筆刨、擦膠、顏料等，等大家可以拍照打卡留念，回味青蔥歲月。

昂坪市集圓形廣場係活動嘅重點區，市集禮品店則設置咗「漿糊仔期間限定禮品區」，至於有興趣想玩巨型扭蛋機，只需出示即日纜車門票，「讚好」昂坪360的官方Facebook或追蹤Instagram，上載「360歲月文具巡禮」的照片到你嘅個人Facebook或Instagram，响貼文入面加上#NP360標籤，即可換取Fueki漿糊仔巨型扭蛋機代幣乙個。憑即日小童纜車門票亦可免費換領扭蛋機代幣乙個，齊齊體驗扭蛋樂趣。

去完昂坪市集坐纜車返回東涌，仲有另一個好節目，就係行過去最新嘅東涌海濱，暢遊呢個新增嘅海景區，呢度有間東涌社區聯絡中心，原來開咗只係一、兩個月，特別加設咗導賞團俾大家了解入面嘅唔同區域，當中包括時光隧道區，以影像講述大嶼山的過去、現在與未來、保育專題區，分享生態等不同的資訊，十月及十一月的周末基本上都係無需預約可自由參觀的。至於平日則可預約返導賞團，有專人講解就更加全面。
 

想睇最新消息，立即 like 頭條日報FB專頁！>>