周末好去处｜昂坪360岁月文具巡礼 参观东涌海滨社区中心

秋天想吹风，第一时间会谂到登高嘅地方，坐在缆车上睇风景大家觉得如何呢？昂坪360就系一个好正嘅选择，缆车慢慢升上高空，可饱缆大屿山海岸綫，轻松舒服就可直上昂坪，而最近在昂坪市集正推出「360岁月文具巡礼」，于10月14日至11月20日呢段期间，首度联乘日本嘅经典文具角色Fueki浆糊仔，打造出高4米嘅浆糊仔扭蛋机，同时仲有好多别具本地情怀嘅怀旧文具，例如铅笔、笔刨、擦胶、颜料等，等大家可以拍照打卡留念，回味青葱岁月。

昂坪市集圆形广场系活动嘅重点区，市集礼品店则设置咗「浆糊仔期间限定礼品区」，至于有兴趣想玩巨型扭蛋机，只需出示即日缆车门票，「赞好」昂坪360的官方Facebook或追踪Instagram，上载「360岁月文具巡礼」的照片到你嘅个人Facebook或Instagram，响贴文入面加上#NP360标签，即可换取Fueki浆糊仔巨型扭蛋机代币乙个。凭即日小童缆车门票亦可免费换领扭蛋机代币乙个，齐齐体验扭蛋乐趣。

去完昂坪市集坐缆车返回东涌，仲有另一个好节目，就系行过去最新嘅东涌海滨，畅游呢个新增嘅海景区，呢度有间东涌社区联络中心，原来开咗只系一、两个月，特别加设咗导赏团俾大家了解入面嘅唔同区域，当中包括时光隧道区，以影像讲述大屿山的过去、现在与未来、保育专题区，分享生态等不同的资讯，十月及十一月的周末基本上都系无需预约可自由参观的。至于平日则可预约返导赏团，有专人讲解就更加全面。
 

想睇最新消息，立即 like 头条日报FB专页！>>